Arrane Solomon 3:1 - Yn Vible Casherick 1775 1819

¹ Ayns yn oie er my lhiabbee hir mee er son graih my annym: hir mee er e hon, agh cha dooar mee eh.

Arrane Solomon 3:1 ပူးပေါင်းရင်းမြစ်များ

Psalmyn 22:2

O my Yee, ta mee geam fey-ny-laa, agh cha vel oo cur clashtyn: as ayns imbagh ny hoie myrgeddin cha vel mee geddyn veg y fea.

Psalmyn 4:4

Shass-jee ayns aggle, as ny jean-jee peccah: smooinee-jee dy dowin ayns nyn gree hene, as ayns nyn shamyr, as bee-jee ec shee.

Psalmyn 6:6

Ta mee deinagh lesh gaccan; dy chooilley oie ta mee gushtaghey my lhiabbee: as fluighey my lhiabbee: as fluighey my lhiaght lesh my yeïr.

Arrane Solomon 1:7

Insh dou, O uss ghraih m’annym, c’raad t’ou fassaghey, cre’n raad ta’n chioltane ayd’s goaill nyn aash bwoaillee vun-laa: son cre’n-fa veign myr shaghrynagh mastey shioltaneyn dty heshaghyn?

Arrane Solomon 5:6

Doshil mee da my ghraih, agh va my ghraih er n’immeeaght, as er n’gholl roish, hie e ghoan gys my annym: hir mee er e hon, agh cha dooar mee eh; deïe mee er, agh cha dreggyr eh mee.

Arrane Solomon 5:8

Ta mee cur currym erriu, O inneenyn Yerusalem, my veeitys shiu my ghraih, cre jir shiu rish; insh-jee da, dy vel mish ching ayns graih.

Isaiah 26:9

Lesh my annym ta mee er yeearree oo ’syn oie; dy jarroo, lesh my spyrryd cheu-sthie jee’m nee’m shirrey hood dy moghey: son tra ta dty vriwnyssyn er y thalloo, nee cummaltee yn theihll gynsaghey cairys.

Isaiah 55:6

Shir-jee gys y Chiarn choud’s t’eh ry-gheddyn, eam-jee ersyn choud’s t’eh er-gerrey.

Noo Luke 13:24

Streeu-jee shiuish dy gholl stiagh er y ghiat coon: son nee ymmodee, ta mee gra riu, shirrey goll stiagh, agh cha jig eh lhieu.

Noo Ean 11:29

Cha leah as cheayll ee shen, dirree ee dy tappee, as haink ee huggey.

Noo Ean 21:17

Dooyrt eh rish yn trass cheayrt, Simon mac Yonas, vel oo graihagh orrym? Va Peddyr mooar-seaghnit dy dooyrt eh rish yn trass cheayrt, Vel oo graihagh orrym? As dooyrt eh rish, Hiarn, ta fys ayd’s er dy chooilley nhee; as fys ayd hene dy vel mee graihagh ort. Dooyrt Yeesey rish, Jeeagh dy mie da my chirree.

1 Peddyr 1:8

Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny-yeih credjal, ta shiu goaill boggey lesh boggey erskyn insh, as lane dy ghloyr: