Arrane Solomon 2:8 - Yn Vible Casherick 1775 1819

⁸ Coraa my ghraih’s! cur-my-ner t’eh cheet lheim er ny sleityn, cor-lheimyragh er ny croink.

Arrane Solomon 2:8 ပူးပေါင်းရင်းမြစ်များ

2 Samuel 6:16

As myr haink arg y Chiarn stiagh ayns ard-valley Ghavid, yeeagh Michal inneen Saul trooid uinniag, as honnick ee ree David lheimyragh as daunsin fenish y Chiarn, as hoie ee beg jeh ayns e cree.

Arrane Solomon 2:17

Derrey’n vadran, as skeayley ny bodjallyn, chyndaa my ghraih, as bee uss myr y vinjeig feïe, ny’n feeaïh aeg er sleityn Vether.

Arrane Solomon 4:16

Gow fea, O gheay-jiass, agh dooisht, O gheay-twoaie, as tar magh, sheid er my gharey dy vod ny spiceyn blaaghey: lhig da my ghraih cheet gys e gharey hene, as gee jeh ny messyn s’taitnyssagh.

Arrane Solomon 5:2

Ta mee saveenagh, agh ta my chree dooisht: she coraa my ghraih t’ayn ta cronkal, gra, Foshil dooys, my chree, my ghraih, my chalmane, my red ôney: son ta my chione fluigh lesh y druight, as folt my ching lesh bineyn ny hoie.

Isaiah 35:6

Eisht nee’n baccagh lheimyragh myr feeaïh, as chengey’n valloo goaill arrane: son ayns yn aasagh brishee ny ushtaghyn magh, as strooanyn ayns yn eaynagh.

Isaiah 44:23

Trog-jee kiaull, O shiuish niaughyn; son she yn Chiarn t’er n’yannoo eh: yllee-jee, shiuish ayrnyn s’inshley yn thallooin: brish-jee magh ayns kiaulleeaght, shiuish sleityn, O cheyll, as dy chooilley villey t’ayn: son ta’n Chiarn er livrey Jacob, as er ghloyraghey eh-hene ayns Israel.

Isaiah 52:7

Cre cha aalin er ny sleityn ta ny cassyn echeysyn ta coyrt lesh naightyn bannee [yn tushtal], ta preacheil shee, ta coyrt lesh naightyn eunyssagh dy nheeghyn mie, ta fockley-magh saualtys, ta gra rish Zion, Ta dty Yee reill!

Jeremiah 48:27

Son nagh row Israel hene son faghid dhyt? row eh ry-gheddyn mastey maarlee? son neayr’s loayr oo jeh, t’ou lheim son boggey.

Noo Luke 6:23

Bee-jee dy ghien mie ayns y laa shen, as lheim-jee son boggey: son cur-my-ner, s’mooar ta nyn leagh ayns niau: son er yn aght cheddin ren ny shenn-ayryn oc rish ny phadeyryn.

Noo Ean 10:27

Ta my chirree clashtyn my choraa, as ta enney aym orroo, as eiyree ad orrym.

Noo Ean 3:29

Eshyn dooinney yn phoosee ta ben y phoosee echey: agh ta carrey dooinney yn phoosee ta ny hassoo as geaishtagh rish, goaill boggey mooar jeh coraa yn dooinney-poosee: ta shoh my voggey’s er-y-fa shen jeant magh.

Jannoo 14:10

Dooyrt eh lesh ard-choraa, Shass seose dy jeeragh er dty chassyn. As lheim eh, as huill eh.

Jannoo 3:8

As lheim eh seose, as hass eh, as huill eh, as hie eh stiagh ayns y chiamble mâroo, shooyl as lheimyragh, as cur moylley da Jee.

Ashlish 3:20

Cur-my-ner, ta mee my hassoo ec y dorrys, as shirrey fosley: My ver dooinney erbee clashtyn da my choraa, as y dorrys y osley, hig-ym stiagh huggey, as nee’m shibber y ghoaill mârish, as eshyn mârym’s.