Arrane Solomon 2:7 - Yn Vible Casherick 1775 1819

⁷ Ta mee cur currym erriu, O shiuish inneenyn Yerusalem, liorish y taitnys t’eu ayns ny feeaïhee sleitagh as magheragh, nagh boir-jee my ghraih, as nagh doost-jee eh derrey saillish hene.

Arrane Solomon 2:7 ပူးပေါင်းရင်းမြစ်များ

Genesis 49:21

Ta Naphtali myr feeaih feayshlit: ta e ghlare lesh focklyn brynnagh.

Psalmyn 18:33

T’eh jannoo my chassyn myr cassyn feeaïh: as soiaghey mee seose dy ard.

Raaghyn Creeney 5:19

Lhig j’ee ve myr y feeaïh veen, as myr cretoor ennoil mygeayrt thie: lhig da ny keeaghyn ecksh oo y wooiys dy kinjagh, as gow uss taitnys dagh traa ayns y ghraih eck.

Raaghyn Creeney 6:5

Jean oo hene y livrey, myr y feeaïh veih laue y chelgeyr, as myr ushag ass laue y ribbeyder.

Arrane Solomon 1:5

O shiuish inneenyn Yerusalem, ta mee dorraghey myr cabbaneyn Chedar, agh stoamey myr curtanyn Solomon.

Arrane Solomon 2:17

Derrey’n vadran, as skeayley ny bodjallyn, chyndaa my ghraih, as bee uss myr y vinjeig feïe, ny’n feeaïh aeg er sleityn Vether.

Arrane Solomon 2:9

Ta my ghraih myr feeaïh aalin aeg: cur-my-ner, t’eh shassoo cooyl yn voalley ain, t’eh jeeaghyn magh er yn uinniag, t’eh dy yeeaghyn eh-hene trooid y chlea.

Arrane Solomon 3:5

Ta mee cur currym erriu, O shiuish inneenyn Yerusalem, liorish y taitnys t’eu ayns shelg ny feeaïhee sleitagh as magheragh, nagh brish shiu e chadley, as nagh jean shiu doostey my ghraih, derrey saillish hene.

Arrane Solomon 5:16

Ta e veeal miljid hene: dy feer t’eh ooilley-cooidjagh aalin. She shoh my ghraih, as lheid shoh my charrey, O inneenyn Yerusalem.

Arrane Solomon 8:14

Jean siyr, my ghraih, as bee myr y vinjeig feïe, ny myr yn feeaïh aeg er sleityn ny spiceyn.

Arrane Solomon 8:4

Ta mee cur currym erriu, O inneenyn Yerusalem, nagh brish shiu cadley my ghraih, ny doostey eh derrey saillish hene.

Habakkuk 3:19

Ta’n Chiarn Jee my niart, as nee eh my chassyn myr cassyn feeaïh, as ver eh orrym shooyl er my ynnydyn ard. Gys yn ard-chiaulleyder er my ghreïnyn strengit.

Noo Mian 26:63

Agh va Yeesey ny host. As dreggyr yn ard-saggyrt as dooyrt eh rish, Ta mee cur currym ort liorish y Jee bio, oo dy insh dooin, nee oo yn Creest mac Yee.