Arrane Solomon 2:5 - Yn Vible Casherick 1775 1819

⁵ Niartee mee lesh glassyreeyn miljey, jean mish y ooraghey lesh ooylyn: son ta mee ching ayns graih.

Arrane Solomon 2:5 ပူးပေါင်းရင်းမြစ်များ

2 Samuel 6:19

As rheynn eh er ooilley’n pobble, eer er slane sheshaght Israel, chammah mraane as deiney, da dagh unnane bwilleen arran, as peesh vie d’eill, as cappan feeyney: myr shen hie ooilley’n pobble rhymboo, dagh fer gys e hie hene.

1 Recortyssyn 16:3

As rheynn eh er dagh unnane ayns Israel, chammah dooinney as ben, bwilleen arran, as peesh mie dy eill, as cappan feeyney.

Psalmyn 63:8

Er-yn-oyr dy vel oo er ve m’er-coonee: shen-y-fa fo scaa dty skianyn goym boggey.

Arrane Solomon 5:8

Ta mee cur currym erriu, O inneenyn Yerusalem, my veeitys shiu my ghraih, cre jir shiu rish; insh-jee da, dy vel mish ching ayns graih.

Arrane Solomon 7:8

Dooyrt mee, Hem seose er y villey-palm, neem’s greimmey ny banglaneyn eck: bee dty cheeaghyn nish myrgeddin myr dhossanyn yn villey-feeyney, as soar millish dty ennal myr ooylyn,

Hosea 3:1

Eisht dooyrt y Chiarn rhym, Immee reesht, cur graih da ben (ennoil da e carrey, ga ny maarderagh) casley rish graih yn Chiarn gys cloan Israel, ta sooill oc gys jeeghyn elley, as nyn aigney er flagonyn feeyney.

Noo Luke 24:32

As dooyrt y derrey yeh jeu rish y jeh elley, Nagh row ny creeaghyn ain lossey cheu-sthie j’in, choud as v’eh taggloo rooin er y raad, as choud as v’eh fosley dooin ny scriptyryn?

Philippianee 1:23

Son ta mee ayns chennid eddyr jees, aggindagh dy gholl roym, as dy ve marish Creest; ta foddey share: