Arrane Solomon 2:4 - Yn Vible Casherick 1775 1819

⁴ Hug eh lesh mee gys thie e chuirraghyn, as skeayl eh harrym cullee e ghraih.

Arrane Solomon 2:4 ပူးပေါင်းရင်းမြစ်များ

Esther 7:7

As dirree yn ree veih’n yien-feeyney ayns e eulys, as hie eh gys garey yn phlaase; as hass Haman seose dy yannoo aghin son e vioys gys Esther yn ven-reïn: son honnick eh dy row olk kiarit n’oï liorish y ree.

Lioar Yob 1:10

Nagh vel oo er n’yannoo cleiy mygeayrt-y-mysh hene, as mysh e hie, as mysh ooilley ny t’echey er dy chooilley heu? T’ou er vannaghey obbyr ny laueyn echey, as ta e chooid-seihlt er ny vishaghey er y thalloo.

Psalmyn 20:5

Gow mayd boggey ayns dty haualtys, as barriaght y gheddyn ayns Ennym y Chiarn y Jee ain: dy gooilleen y Chiarn ooilley dty aghinyn.

Psalmyn 60:4

T’ou er choyrt cowrey da nyn lheid as ta goaill aggle royd: dy vod ad boggyssagh er coontey yn irriney.

Psalmyn 84:10

Son ta un laa ayns dty chooyrtyn: ny share na thousane.

Arrane Solomon 1:1

Arrane dy arraneyn mychione Solomon.

Arrane Solomon 1:4

Jean m’y chleayney, as roie mayd geiyrt ort: ta’n ree er choyrt lesh mee stiagh gys e hiamyryn, bee mayd gennal, as gowee mayd boggey aynyd’s, bee mayd ny s’aggindee er dty ghraih na er feeyn: shynney lesh sleih mie oo.

Arrane Solomon 5:1

Ta mee er jeet stiagh ayns my gharey, my huyr, my ven heshey, ta mee er haglym yn myrrh, marish ny spiceyn millish, ta mee er ee my chere-volley marish my vill, ta mee er iu my feeyn marish my vainney: ee-jee, O my chaarjyn, iu-jee, dy jarroo, iu-jee dy palchey, O my ghraihaltee.

Arrane Solomon 6:4

T’ou uss aalin, O my ghraih, myr Tirzah, stoamey myr Jerusalem, gloyroil myr slane sollyssid rollageagh yn aer.

Isaiah 11:10

As ayns y laa shen vees fraue jeh Jesse, nee shassoo son cullee da’n pobble: huggey nee ny ashoonee chionney stiagh: as bee yn fea echey gloyroil.

Ashlish 3:20

Cur-my-ner, ta mee my hassoo ec y dorrys, as shirrey fosley: My ver dooinney erbee clashtyn da my choraa, as y dorrys y osley, hig-ym stiagh huggey, as nee’m shibber y ghoaill mârish, as eshyn mârym’s.