Arrane Solomon 2:16 - Yn Vible Casherick 1775 1819

¹⁶ Ta my ghraih lhiam’s, as mish leshyn: t’eh beaghey mastey ny lileeyn.

Arrane Solomon 2:16 ပူးပေါင်းရင်းမြစ်များ

Psalmyn 63:1

O Yee, uss my Yee: dy moghey nee’m dty hirrey.

Arrane Solomon 1:7

Insh dou, O uss ghraih m’annym, c’raad t’ou fassaghey, cre’n raad ta’n chioltane ayd’s goaill nyn aash bwoaillee vun-laa: son cre’n-fa veign myr shaghrynagh mastey shioltaneyn dty heshaghyn?

Arrane Solomon 2:1

She mish rose Sharon, as lilee ny coanyn.

Arrane Solomon 4:5

Ta dty cheeaghyn goll-rish daa feeaïh aegey ta nyn lannoonyn, fassagh mastey ny lileeyn.

Arrane Solomon 6:2

Ta my ghraih er n’gholl sheese gys e gharey, gys ny imraghyn spice, dy ee mess ny garaghyn, as dy haglym lileeyn.

Arrane Solomon 6:3

Ta mish lesh my ghraih, as my ghraih lhiam’s: t’eh beaghey mastey ny lileeyn.

Arrane Solomon 7:10

Ta mish lesh my ghraih, as orrym’s ta e chree’s soit.

Arrane Solomon 7:11

Tar mârym, my ghraih, lhig dooin goll magh gys y vagher: lhig dooin aaght y ghoaill ayns ny baljyn-cheerey.

Arrane Solomon 7:13

Ta ny mandrakeyn cur soar millish, as ayns nyn dashtaghyn ta messyn jeh dy chooilley ghooghys, shenn as noa, ta mee er hashtey dty chour’s, O my ghraih.

Jeremiah 31:33

Agh shoh vees y conaant neem’s rish thie Israel; Lurg ny laghyn shen, ta’n Chiarn dy ghra, ver-yms my leigh er cheu-sthie jeu, as scrieu-yms eh er nyn greeaghyn; as beem’s yn Jee oc, as bee adsyn my phobble’s.

Zechariah 13:9

As ver-ym lhiam yn trass ayrn trooid yn aile, as nee’m ad y ghlenney myr ta arroo er ny ghlenney, as nee’m ad y phrowal myr ta airh er ny phrowal: as nee ad geamagh er my ennym’s, as nee’m ad y chlashtyn: as jir-ym, T’adsyn my phobble: as jir adsyn, Ta’n Chiarn my Yee.

Galatianee 2:20

Ta mee er my chrossey marish Creest: Ny-yeih ta mee bio; foast cha nee mish, agh Creest ta bio aynym: as y vea ta mee nish dy vaghey ’syn eill, ta mee baghey liorish credjue Mac Yee, va graih echey orrym, as ren eh-hene y choyrt er my hon.