Arrane Solomon 2:14 - Yn Vible Casherick 1775 1819

¹⁴ O my chalmane ta ayns tuill ny creggyn, fo skellooyn yn eaynee, lhig dou dty eddin y akin, lhig dou dty choraa y chlashtyn; son s’eunyssagh dty choraa, as stoamey dty eddin aalin.

Arrane Solomon 2:14 ပူးပေါင်းရင်းမြစ်များ

Arrane Solomon 1:5

O shiuish inneenyn Yerusalem, ta mee dorraghey myr cabbaneyn Chedar, agh stoamey myr curtanyn Solomon.

Arrane Solomon 8:13

Uss ta cummal ayns ny garaghyn, ta dty heshaghyn geaishtagh rish dty choraa; lhig dooys myrgeddin clashtyn eh.

Arrane Solomon 5:2

Ta mee saveenagh, agh ta my chree dooisht: she coraa my ghraih t’ayn ta cronkal, gra, Foshil dooys, my chree, my ghraih, my chalmane, my red ôney: son ta my chione fluigh lesh y druight, as folt my ching lesh bineyn ny hoie.

Exodus 3:6

Dooyrt eh myrgeddin, Mish Jee dty ayrey, Jee Abraham, as Jee Isaac, as Jee Yacob. As choodee Moses e eddin: son va aggle er dy yeeaghyn er Jee.

Ashlish 5:8

As tra v’eh er ghoaill y lioar, huitt ny kiare cretooryn as ny kiare shanstyryn as feed sheese fenish yn Eayn, as claasaghyn ec dagh unnane oc, as siyn airhey lane dy hoar millish ourallyn, ta padjeryn ny nooghyn.

Hebrewnee 4:16

Lhig dooin er-y-fa shen cheet lesh dunnallys gys stoyl-reeoil e ghrayse; dy vod mayd myghin y chosney, as grayse y gheddyn dy chooney lhien ayns traa feme.

Obadiah 1:3

Ta moyrn dty chree er dty volley: uss ta goaill ayns scoltaghyn y chreg, ta cummal ’syn yrjey mooie, ta gra ayns e chree, Quoi ver lesh sheese mee gys y thalloo?

Ezekiel 7:16

Agh adsyn chosnys roue, nee ad scapail, as bee ad er ny sleityn cooagey myr calmaneyn, as ad ooilley dobberan dagh unnane son e vee-chairys.

Jeremiah 49:16

Ta dty chione-ardys hene, as mooaralys dty chree er dty volley, uss ta dty chummal mastey scoltaghyn ny creggey, ta freayll mooie ’sy vullagh: ga dy jinnagh oo dty edd co-ard rish yn urley, raip-yms oo neose veih shen, ta’n Chiarn dy ghra.

Jeremiah 48:28

O shiuish chummaltee Voab, faag-jee ny ard-valjyn, as cum-jee ayns ny creggyn, as bee-jee myr y chalmane ta jannoo yn edd eck ayns tuill ny guaggyn.

Isaiah 60:8

Quoi ad shen ta getlagh myr bodjal, as myr ny calmaneyn gys nyn dhuill?

Isaiah 51:3

Son nee’n Chiarn Zion y gherjaghey: nee eh gerjaghey ooilley ny ynnydyn treigit eck, as nee eh yn aasagh eck myr Eden, as yn eaynagh eck myr garey yn Chiarn; bee boggey as gennallys er ny gheddyn ayn, toyrt-booise as coraa dy vingys.

Arrane Solomon 1:15

Cur-my-ner, t’ou aalin my ghraih; cur-my-ner t’ou aalin, ta ayd sooillyn calmane.

Jude 1:24

Nish huggeysyn ta abyl dy reayll shiu veih tuittym, as dy hebbal shiu gyn loght kionfenish e ghloyr lesh boggey erskyn towse,

1 Peddyr 3:4

Agh lhig da ve yn dooinney follit ’sy chree, ayns shen nagh jed naardey, dy jarroo yn coamrey dy spyrryd meen as feagh, ta mooar soit jeh ayns shilley Yee.

Hebrewnee 10:22

Lhig dooin tayrn er-gerrey lesh cree firrinagh, ayns slane shickyrys dy chredjue, liorish nyn greeaghyn v’er nyn ghlenney veih drogh chooinsheanse, as nyn girp er nyn niee lesh ushtey glen.

Colossianee 1:22

Ayns corp yn eill echey trooid baase, dy hebbal shiu casherick as fegooish foill, as neu-chyndagh ayns e hilley:

Ephesianee 5:27

Dy voddagh eh ee y hoiaghey magh da hene ny agglish ghloyroil, fegooish spot ny cron, ny veg y lheid; agh dy voddagh ee ’ve casherick, as fegooish lheamys erbee.

Noo Mian 10:16

Cur-my-ner ta mish dy choyrt shiu magh myr kirree mastey moddee-oaldey: Bee-jee er-y-fa shen tastagh myr ard-nieughyn, as ôney myr calmaneyn.

Noo Mian 3:16

As lurg da Yeesey ve bashtit, hie eh seose jeeragh ass yn ushtey: as cur-my-ner va ny niaughyn er nyn vosley er-e-skyn, as honnick eh Spyrryd Yee cheet neose myr calmane, as soie er.

Daniel 9:7

O Hiarn, hood’s ta bentyn ynrickys, agh hooinyn nearey er nyn eddin, myr ec y laa t’ayn jiu; gys deiney Yudah, as da cummaltee Yerusalem, as da ooilley Israel foddey as gerrit, trooid ooilley ny cheeraghyn, raad t’ou uss er n’eebyrt magh ad, kyndagh rish nyn loghtyn t’ad er n’yannoo dt’oï.

Isaiah 6:5

Eisht dooyrt mee, Smerg dooys! cre’n erree hig orrym; er-yn-oyr dy vel mee my ghooinney jeh meillyn neu-ghlen, as ta mee cummal mastey pobble jeh meillyn neu-ghlen: son ta my hooillyn er vakin y Ree, Chiarn ny flaunyssee.

Isaiah 2:21

Dy gholl stiagh ayns scoltaghyn ny creggyn, as fo mullagh ny creggyn brishtagh, kyndagh rish aggle y Chiarn, as gloyr e ard-ooashley, tra t’eh troggal er dy chraa yn thalloo dy atchimagh.

Arrane Solomon 1:8

Mannagh nhione dhyt, O uss s’aalin ta mastey mraane, immee magh ayns cassanyn yn chioltane, as fassee dty vannanyn liorish ny bwaagyn bochill.

Raaghyn Creeney 15:8

Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Psalmyn 110:3

Ayns laa dty phooar nee’n pobble ourallyn-arryltagh y hebbal hood’s lesh ooashley crauee: ta druight yn cheet ayd er y theihll veih breïn y voghrey.

Psalmyn 74:19

Cooinee er shoh, O Hiarn, kys ta’n noid er oltooaney: as kys ta’n pobble ommijagh er loayrt goan mollaghtagh noi dty Ennym.

Psalmyn 68:13

Ga dy vel shiu er ve ny lhie mastey ny pooiyt, foast vees shiu myr skianyn calmane: ta coodit lesh skianyn argid, as ny fedjagyn eck goll-rish airh.

Psalmyn 50:23

Quoi-erbee ta chebbal dou booise as moylley, t’eh cur onnor dou: as dasyn, ta reill e ymmyrkey dy cair, soilshee-yms saualtys Yee.

Psalmyn 45:11

Clasht, O inneen, as smooinee ort, croym dty chleaysh: jarrood myrgeddin dty phobble hene, as thie dty ayrey.

Psalmyn 22:3

As t’ou uss tannaghtyn casherick: O uss ooashley Israel.

Lioar Yob 9:16

Dy beign er n’eamagh, as eshyn er my reggyrt; s’coan veign er chredjal dy row eh er chlashtyn my choraa.

Psalmyn 45:12

Myr shen bee taitnys ec y ree ayns dty aalid: son eshyn y Chiarn dty Yee, as cur uss ooashley da.