Arrane Solomon 2:13 - Yn Vible Casherick 1775 1819

¹³ Ta’n billey-figgagh gymmyrkey figgyn glassey, as ta ny biljyn-feeyney lesh nyn merrishyn meiygh ceau soar millish. Trog ort, my ghraih, my chooid s’aalin, as tar royd.

Arrane Solomon 2:13 ပူးပေါင်းရင်းမြစ်များ

Arrane Solomon 2:10

Loayr my ghraih, as dooyrt eh rhym, Trog ort, my ghraih, my chooid s’aalin, as tar royd.

Isaiah 61:11

Son myr ta’n thalloo coyrt magh blaa, as myr ta ny rassyn ta cuirrit ’sy gharey cheet er-ash; myr shen ver y Chiarn Jee er cairys as moylley dy vlaaghey magh kiongoyrt rish ooilley ny ashoonyn.

2 Corinthianee 5:20

Nish ta shinyn chaghteryn ayns lieh Chreest, myr dy beagh Jee dy chuirrey shiu liorinyn: ta shin guee erriu ayns ynnyd Chreest, bee-jee coardit rish Jee.

Noo Luke 19:42

Gra, Dy beagh toiggal er ve ayd’s, dy jarroo ayd’s, ayns dty laa shoh hene, jeh ny reddyn ta bentyn rish dty hee! agh nish t’ad follit veih dty hooillyn.

Noo Mian 24:32

Ynsee-jee eisht coraa-dorraghey veih’n villey-figgagh: tra ta’n banglane echey foast oor, as cur magh duillagyn, ta fys eu dy vel y sourey er-gerrey.

Haggai 2:19

Vel yn arroo foast ayns y toalt? dy jarroo cha vel y billey-feeyney, ny yn billey-figgagh, ny yn pomegranate, ny yn billey-olive foast er n’ymmyrkey nyn mess: veih’n laa shen neem’s shiu y vannaghey.

Hosea 14:6

Nee ny banglaneyn echey skeayley, as bee yn aalid echey myr y billey-olive, as soar millish jeh myr Lebanon.

Isaiah 18:5

Son roish yn ouyr, lurg da’n blaa v’er jeet gys slane aase, as y berrish-feeyney gyere er n’appaghey ayns y vlaa, giaree eh jeh ny slattagyn lesh corranyn-pollal, as gowee eh ersooyl, as giaree eh sheese ny banglaneyn.

Arrane Solomon 7:8

Dooyrt mee, Hem seose er y villey-palm, neem’s greimmey ny banglaneyn eck: bee dty cheeaghyn nish myrgeddin myr dhossanyn yn villey-feeyney, as soar millish dty ennal myr ooylyn,

Arrane Solomon 6:11

Hie mee sheese gys garey ny croyn, dy chur shilley er troar ny glionney, as dy yeeaghyn row yn billey-feeyney blaaghey, as ny pomegranateyn cheet er nyn doshiaght.

Arrane Solomon 1:15

Cur-my-ner, t’ou aalin my ghraih; cur-my-ner t’ou aalin, ta ayd sooillyn calmane.

Arrane Solomon 2:15

Soie ribbey son ny shynnee, son ny quallianyn shynnagh ta mhilley ny biljyn-feeyney: son ta ny berrishyn meiygh cheet magh er ny biljyn-feeyney.