Arrane Solomon 2:10 - Yn Vible Casherick 1775 1819

¹⁰ Loayr my ghraih, as dooyrt eh rhym, Trog ort, my ghraih, my chooid s’aalin, as tar royd.

Arrane Solomon 2:10 ပူးပေါင်းရင်းမြစ်များ

2 Samuel 23:3

Ta Jee Israel er ghra, ta creg Israel er loayrt rhym’s, Shegin dasyn ta reill harrish deiney ve cairagh, reill ayns aggle Yee:

Psalmyn 85:8

Eaisht-ym cre jir y Chiarn my-mychione’s: son nee eh shee y loayrt rish e phobble, as rish e nooghyn, nagh jyndaa ad reesht gys ommijys.

Arrane Solomon 1:15

Cur-my-ner, t’ou aalin my ghraih; cur-my-ner t’ou aalin, ta ayd sooillyn calmane.

Arrane Solomon 1:9

Ta mee er dty hoylaghey, O my ghraih, gys cabbil aalin ayns fainee Pharaoh.

Arrane Solomon 2:11

Son cur-my-ner ta’n geurey ceaut, ta’n fliaghey harrish as ersooyl.

Arrane Solomon 2:13

Ta’n billey-figgagh gymmyrkey figgyn glassey, as ta ny biljyn-feeyney lesh nyn merrishyn meiygh ceau soar millish. Trog ort, my ghraih, my chooid s’aalin, as tar royd.

Arrane Solomon 2:8

Coraa my ghraih’s! cur-my-ner t’eh cheet lheim er ny sleityn, cor-lheimyragh er ny croink.

Arrane Solomon 5:2

Ta mee saveenagh, agh ta my chree dooisht: she coraa my ghraih t’ayn ta cronkal, gra, Foshil dooys, my chree, my ghraih, my chalmane, my red ôney: son ta my chione fluigh lesh y druight, as folt my ching lesh bineyn ny hoie.

Jeremiah 31:3

Hoilshee yn Chiarn eh-hene dooys foddey er-dy-henney, gra, Eer lesh graih kinjagh ta mee er ny ve graihagh ort; shen-y-fa lesh my chenjallys-ghraihagh ta mee er dty hayrn.

Noo Mian 9:9

As tra va Yeesey er n’gholl veih shen, honnick eh dooinney va enmyssit Mian, ny hoie ec boayrd y cheesh: as dooyrt eh rish, Eiyr orrym’s. As dirree eh seose, as deiyr eh er.

2 Corinthianee 11:2

Son ta mee eadolagh harrishdiu lesh eadolys chrauee, son ta mee er nastey shiu rish un heshey, dy voddym shiu y hebbal myr moidyn ghlen da Creest.

Ashlish 22:17

As ta’n Spyrryd as ben y phoosee gra, Tar-jee. As lhig dasyn ta clashtyn, gra, Tar-jee. As lhig dasyn ta paagh cheet: As lhig da quoi-erbee saillish goaill ushtey yn vea nastee.