Arrane Solomon 1:6 - Yn Vible Casherick 1775 1819

⁶ Ny jeeagh-jee orrym’s, son dy vel my neeal dorraghey, as dy vel y ghrian er chaghlaa my vlaa: va cloan my vayrey neu-ghooghyssagh rhym, hug ad mee dy arrey ny garaghyn-feeyney, agh my gharey-feeyney hene cha dreill mee.

Arrane Solomon 1:6 ပူးပေါင်းရင်းမြစ်များ

Lioar Yob 30:30

Ta my chrackan doo orrym, as my chraueyn shirgit seose lesh chiass.

Psalmyn 69:8

Ta mee myr dooinney joarree da my vraaraghyn: dy jarroo myr fer quaagh da cloan my vayrey.

Jeremiah 12:6

Son eer dty vraaraghyn, as thie dt’ayrey, t’adsyn neesht er ghellal dy foalsey rhyt; t’ad myrgeddin er lhiggey’n theay ort: ny treisht orroo, ga dy vel ad loayrt goan brynneragh rhyt.

Jeremiah 8:21

Son doghan inneen my phobble ta mee doghanit; ta mee ’sy dorraghys doo; ta atchim er my ghreimmey.

Dobberan 4:8

Ta’n eddin oc ny s’dorraghey na’n gheayl: s’coan ver oo enn orroo ayns ny straïdyn: ta’n crackan oc lhiantyn gys nyn graueyn: te shyrgit myr brasnag.

Micah 7:6

Son ta’n mac mee-arrymagh da’n ayr, ta’n inneen girree seose noi e moir, yn inneen-’sy-leigh noi e moir-’sy-leigh: ta noidyn dooinney mooinjer e hie hene.

Noo Mian 10:22

As ver yn ymmodee feoh diu er coontey yn ennym aym’s: agh eshyn nee shassoo magh gys y jerrey, bee eh er ny hauail.

Noo Mian 10:25

S’lioar da’n schoillar dy ve myr e vainshter, as y charvaant myr e hiarn: my t’ad er cheau Beelzebub er mainshter y thie, cre-woad smoo nee ad e vooinjer y oltooaney.

Noo Mark 4:6

As tra ghow yn ghrian niart ve fiojit, as er-yn-oyr nagh row eh er n’ghoaill fraue, ren eh shyrgaghey ersooyl.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

Galatianee 4:29

Agh myr ec y traa shen ren eshyn v’er ny ruggey lurg yn eill, tranlaase ersyn v’er ny ruggey lurg y Spyrryd; dy jarroo myr shen te nish.