Arrane Solomon 1:4 - Yn Vible Casherick 1775 1819

⁴ Jean m’y chleayney, as roie mayd geiyrt ort: ta’n ree er choyrt lesh mee stiagh gys e hiamyryn, bee mayd gennal, as gowee mayd boggey aynyd’s, bee mayd ny s’aggindee er dty ghraih na er feeyn: shynney lesh sleih mie oo.

Arrane Solomon 1:4 ပူးပေါင်းရင်းမြစ်များ

Psalmyn 111:4

Ta’n Chiarn myghinagh as graysoil myr shen er n’yannoo e obbraghyn yindyssagh: dy lhisagh ad ve freilt ayns cooinaghtyn.

Psalmyn 119:32

Neem’s roie ayns raad dty annaghyn: tra t’ou uss er hoiaghey my chree ec reamys.

Psalmyn 119:60

Ren mee siyr, as cha lhig mee shaghey yn traa: dy reayll dty annaghyn.

Psalmyn 149:2

Lhig da Israel boggey ’ghoaill aynsyn ren eh y chroo: as lhig da cloan Sion ’ve gennal ayns nyn Ree.

Psalmyn 42:4

Nish tra ta mee smooinaghtyn er shoh, ta mee deayrtey magh my chree rhym pene: son hie mee marish y cheshaght, as hug mee lhiam adsyn mârym stiagh ayns thie Yee:

Psalmyn 48:9

O Yee, myr ta dt’ennym, myr shen ta dty voylley gys king y theihll: ta dty laue yesh lane dy chairys.

Psalmyn 63:5

Choud’s vee’m bio ver-ym ard-voylley dhyt er yn aght shoh: as trog-ym seose my laueyn ayns dt’ennym.

Arrane Solomon 3:4

As s’coan va mee er n’gholl voue, derrey hooar mee graih my annym: chum mee eh, as cha lhiggin y raad da, derrey hug mee lhiam eh gys thie my vayrey, as gys y chamyr ecksh ren m’y yientyn.

Arrane Solomon 4:10

Cre cha eunyssagh ta dty ghraih, my huyr, my ven veen! ta dty ghraih foddey erskyn y feeyn share, as soar millish dty ennal roish bree dy chooilley spice s’blaystal.

Isaiah 25:8

Nee eh sluggey seose baase ayns barriaght, as nee yn Chiarn Jee glenney ersooyl jeïr veih dy chooilley ghruaie, as oltooan e phobble nee eh goaill ersooyl veih ooilley yn seihll: son ta’n Chiarn er loayrt eh.

Isaiah 45:25

Ayns y Chiarn bee ooilley sluight Israel er ny heyrey, as nee ad boggyssagh.

Isaiah 61:3

Dy chur caghlaa dauesyn ta dobberan ayns Zion, dy choyrt daue aalid son leoie, yn ooil dy yennallys son dobberan, coamrey dy voylley son spyrryd dy hrimshey; dy vod ad ve enmyssit Biljyn dy chairys, Plantal y Chiarn, dasyn dy ve er ny ghloyraghey.

Isaiah 63:7

Neem’s kenjallys-ghraihagh yn Chiarn y hoilshaghey magh, as moylley yn Chiarn, cordail rish ooilley ny ta’n Chiarn er stowal orrin, as y vieys vooar gys thie Israel, t’eh er yiootal orroo cordail rish e vyghinyn, as cordail rish ymmodee e chenjallys ghraihagh.

Jeremiah 31:3

Hoilshee yn Chiarn eh-hene dooys foddey er-dy-henney, gra, Eer lesh graih kinjagh ta mee er ny ve graihagh ort; shen-y-fa lesh my chenjallys-ghraihagh ta mee er dty hayrn.

Hosea 11:4

Hayrn mee ad lesh coyrdyn dooinney, lesh kianglaghyn dy ghraih, as va mee dauesyn myr adsyn ta goaill yn streean ass nyn meeal, as hug mee bee er nyn meealloo.

Zephaniah 3:14

Gow arrane, O inneen Zion, trog dty choraa, O Israel, bee gennal, as gow boggey lesh ooilley dty chree, O inneen Yerusalem.

Zechariah 9:9

Gow boggey mooar, O inneen Zion: trog seose dty choraa, O inneen Yerusalem: cur-my-ner, ta dty ree cheet hood: t’eh ynrick, ta saualtys echey, t’eh imlee, as markiaght er assyl, as er lhiy sharragh yn assyl.

Noo Mian 25:10

As choud as v’ad goll dy chionnaghey, haink y dooinney-poosee, as hie yn vooinjer va aarloo stiagh mârish gys y vannish, as va’n dorrys jeight.

Noo Luke 2:10

As dooyrt yn ainle roo, Ny bee aggle erriu: son cur-my-ner, ta mish coyrt lhiam hiu naightyn mie dy voggey mooar vees gys dy chooilley phobble.

Noo Luke 22:19

As ghow eh arran, as hug eh booise, as vrish eh eh, as hug eh eh daue, gra, Shoh my chorp t’er ny choyrt er nyn son eu: shoh jean-jee ayns cooinaghtyn jeem’s.

Noo Ean 12:32

As my veem’s er my hroggal seose jeh’n thalloo, tayrn-ym dy chooilley ghooinney hym.

Noo Ean 6:44

Cha vod dooinney erbee cheet hym’s, mannagh jean yn Ayr t’er my choyrt y hayrn eh: as trog-yms seose eh ec y laa jerrinagh.

Ephesianee 2:6

As t’eh er hroggal shin seose cooidjagh, as er hoiaghey shin cooidjagh ayns ynnydyn flaunyssagh ayns Creest Yeesey.

Ephesianee 6:24

Grayse dy row mâroosyn ooilley shynney lhieu yn Chiarn Yeesey Creest ayns ynrickys. Amen.

Philippianee 3:3

Son ta shinyn yn giarey-chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Philippianee 4:4

Gow-jee boggey ayns y Chiarn dy kinjagh, as reesht ta mee gra, Gow-jee boggey.

Hebrewnee 12:1

Shen-y-fa fakin dy vel shinyn myrgeddin combaasit mygeayrt lesh lheid yn earroo [ooasle] dy eanishyn, lhig dooin cur voïn dy chooilley hrimmid, as y peccah shen ta cha aarloo dy nyn lhiettal, as lhig dooin dy jeean roie yn race ta soit kiongoyrt rooin,

1 Peddyr 1:8

Ersyn ta shiu graihagh, ga nagh vel shiu er vakin eh; ayn, ga nagh vel shiu nish fakin eh, ny-yeih credjal, ta shiu goaill boggey lesh boggey erskyn insh, as lane dy ghloyr: