Arrane Solomon 1:3 - Yn Vible Casherick 1775 1819

³ Son blass dty ooilyn miljey, ta dty ennym myr ooil er ny gheayrtey; shen-y-fa ta ny moidynyn ayns graih rhyt.

Arrane Solomon 1:3 ပူးပေါင်းရင်းမြစ်များ

Psalmyn 133:2

Te goll-rish yn ooil millish er y chione, roie sheese er yn aasaag: dy jarroo er faasaag Aaron, as ren shilley sheese gys rumbyllyn e choamrey.

Psalmyn 45:14

Ta inneen y ree ooilley gloyroil er cheu-sthie: ta’n coamrey eck dy airh obbrit.

Exodus 33:12

As dooyrt Moses rish y Chiarn, Cur-my-ner, t’ou gra rhym, Cur lhiat seose y pobble shoh: as cha vel oo er hoilshaghey dou quoi ver oo mârym. Ga dy vel oo er ghra, Shynney lhiam dty ennym, as t’ou er gheddyn foayr ayns my hilley’s.

Exodus 33:19

As dooyrt eh, Soilshee-yms dhyt ooilley my vieys ayns goll royd, as nee’m fockley magh royd ennym y Chiarn; as beem’s graysoil dauesyn s’gooidsave lhiam ve graysoil, as nee’m myghin y hoilshaghey dauesyn s’gooidsave lhiam myghin y hoilshaghey.

Raaghyn Creeney 27:9

Ta ooil spiceit, as soar millish, ooraghey yn chree: myr shen ta dooinney er ny gherjaghey liorish coyrle dooie e charrey.

Ecclesiastes 7:1

Ta goo mie ny share na ooil chostal: as laa yn vaaish ny share na’n laa ruggyr oo.

Arrane Solomon 3:6

Quoi eh shoh ta cheet seose ass yn aasagh, goll-rish pillaryn jaagh, as mârish bree dy hoar millish myrrh as frankincense, lesh ooilley poodyryn spiceit y varchan.

Arrane Solomon 4:10

Cre cha eunyssagh ta dty ghraih, my huyr, my ven veen! ta dty ghraih foddey erskyn y feeyn share, as soar millish dty ennal roish bree dy chooilley spice s’blaystal.

Arrane Solomon 5:13

Ta ny keeillyn echey myr dash dy spiceyn, myr blaaghyn miljey: ta ny meillyn echey myr lileeyn, shilley myrrh millish breeoil.

Arrane Solomon 5:5

Dirree mee dy osley da my ghraih, as ren my laueyn shilley lesh myrrh er holtyn y ghlass, as my veïr lesh y myrrh s’costal.

Arrane Solomon 6:8

Ta three-feed princess, as kiare-feed co-lhiabbagh, marish ymmodee moidynyn:

Isaiah 61:3

Dy chur caghlaa dauesyn ta dobberan ayns Zion, dy choyrt daue aalid son leoie, yn ooil dy yennallys son dobberan, coamrey dy voylley son spyrryd dy hrimshey; dy vod ad ve enmyssit Biljyn dy chairys, Plantal y Chiarn, dasyn dy ve er ny ghloyraghey.

Noo Mian 25:1

Eisht bee reeriaght niau er ny hoylaghey gys jeih moidynyn, ghow ny lampyn oc, as hie magh quail y dooinney-poosee.

Noo Ean 12:3

Eisht ghow Moirrey punt dy ooil dy spikenard feer chostal, as ren ee cassyn Yeesey y ooilaghey, as rub ee e chassyn lesh e folt: as va’n thie er ny lhieeney lesh soar yn ooil.

2 Corinthianee 11:2

Son ta mee eadolagh harrishdiu lesh eadolys chrauee, son ta mee er nastey shiu rish un heshey, dy voddym shiu y hebbal myr moidyn ghlen da Creest.

Philippianee 4:18

Agh ta dy liooar aym, as er y phalchey: ta mee jeant magh, neayr’s hooar mee veih Epaphroditus shen hug shiu hym, chebbal dy hoar millish, oural booisal, lheid as nee Jee soiaghey jeh.

Ashlish 14:4

Shoh ad nagh row er n’yannoo peccah rish mraane; son moidynyn ad: shoh ad ta geiyrt da’n Eayn raad erbee dy jed eh: v’ad shoh er nyn gosney veih mastey deiney, myr v’ad ny chied messyn da Jee as da’n Eayn.