Amos 7:9 - Yn Vible Casherick 1775 1819

⁹ As bee ard-ynnydyn Isaac nyn draartys, as bee thieyn-sheaynt Israel er ny chur naardey; as nee’m brishey magh noi thie Yeroboam lesh y chliwe.

Amos 7:9 ပူးပေါင်းရင်းမြစ်များ

Genesis 46:1

As ghow Israel e yurnah lesh ooilley ny v’echey, as haink eh gys Beer-sheba, as heb eh ourallyn da Jee e ayr Isaac.

2 Reeaghyn 14:24

As ren eh shen ny va olk ayns shilley’n Chiarn; cha ren eh treigeil ooilley peccaghyn Yeroboam mac Nebat, hayrn Israel gys peccah.

Isaiah 63:18

Cha row eh agh son traa giare eiraght dty phobble’s casherick: ta nyn noidyn er stampey sheese dty ynnyd casherick.

Jeremiah 51:51

Ta shin mow, er-y-fa dy vel shin er chlashtyn oltooan: ta nearey er choodaghey nyn eddin; son ta joarreeyn er jeet stiagh gys ynnydyn smoo casherick thie yn Chiarn.

Ezekiel 6:3

As abbyr, Shiuish sleityn Israel, clasht-jee rish goo yn Chiarn Jee, Myr shoh ta’n Chiarn Jee dy ghra rish ny sleityn, as rish ny croink, rish ny awinyn, as rish ny glionteenyn, Cur-my-ner, ver-yms, dy jarroo ver-yms lhiam cliwe erriu, as nee’m ny ard-ynnydyn eu y stroie.

Hosea 10:8

Myrgeddin bee ard-ynnydyn Aven, peccah Israel currit naardey: hig yn dress as yn onnane seose er nyn altaryn; as jir ad rish ny sleityn, Coodee-jee shin, as rish ny croink, Tuitt-jee orrin.

Amos 3:14

Er y laa dy goym’s kerraghey er Israel son e ghrogh-yannoo, dy jean-yms myrgeddin kerraghey y ghoaill er altaryn Veth-el, as bee eairkyn yn altar er ny yiarey jeh, as tuittee ad gys y thalloo.

Amos 5:5

As ny shir-jee gys Beth-el, chamoo gow-jee stiagh ayns Gilgal, as ny immee-jee gys Beer-sheba: son hed Gilgal son shickyrys ayns cappeeys, as hed Beth-el naardey.

Amos 7:11

Son myr shoh ta Amos gra, Yiow Jeroboam baase lesh y chliwe, as bee Israel son shickyrys er ny leeideil ersooyl nyn gappee, ass y cheer oc hene.

Amos 7:13

Agh ny jean phadeyrys arragh ec Beth-el: son ayns shen ta cabbal y ree, as y cooyrt reeoil.

Amos 8:14

Adsyn ta breearrey liorish peccah Samaria, as gra, Ta dty Yee’s bio, O Dan, as ta bioys ayns jee-jalloo Veer-sheba; dy feer, nee ad tuittym, as cha n’irree ad dy bragh arragh.

Amos 9:1

Honnick mee yn Chiarn ny hassoo erskyn yn altar, as dooyrt eh, Bwoaill linteyr yn dorrys, dy vod ny essynyn craa, as giare ad ooilley ’sy chione; as marr-ym yn sluight oc lesh y chliwe: eshyn ta roie er-chea jeusyn, cha gosnee eh lesh e vioys, as eshyn ta scapail jeu, cha bee eh er ny livrey.

Micah 1:5

Kyndagh rish shaghrynys Yacob ta ooilley shoh, as kyndagh rish peccaghyn thie Israel. Cre ta oyr shaghrynys Yacob? nagh nee Samaria? as cre ta oyr peccah Yudah? nagh nee Jerusalem?