Amos 7:4 - Yn Vible Casherick 1775 1819

⁴ Shoh myr ta’n Chiarn Jee er hoilshaghey dooys, as cur-my-ner ta’n Chiarn Jee er chur eam dy cherraghey lesh aile, as stroie eh yn diunid vooar, as hug eh naardey ayrn [jeh’n thalloo].

Amos 7:4 ပူးပေါင်းရင်းမြစ်များ

Isaiah 27:4

Cha vel eulys tannaghtyn mârym’s: quoi yinnagh soiaghey dressyn as drineyn m’oï ’sy chaggey? yinnin goll nyn drooid, yinnin lostey ad cooidjagh.

Jeremiah 21:12

O hie Ghavid, myr shoh ta’n Chiarn dy ghra, Cur-jee briwnys cairagh ’sy voghrey, as livrey-jee eshyn ta tranlaasit ass laue yn tranlaasagh, er-aggle dy jed m’eulys magh myr aile, as lostey nagh vod unnane erbee y vooghey eh, kyndagh rish olkys nyn ghrogh-yannoo.

Jeremiah 4:4

Bee-jee er nyn yiarey-chymmylt gys y Chiarn, as gow-jee ersooyl neu-ghlennid nyn gree, shiuish gheiney Yudah, as chummaltee Yerusalem; er-aggle dy brish my eulys magh myr aile, as lostey nagh vod eh v’er ny vooghey, kyndagh rish nyn ghrogh-yannoo.

Ezekiel 21:3

As abbyr rish cheer Israel, Myr shoh ta’n Chiarn dy ghra, Cur-my-ner ta mish dt’oï, as tayrn-ym my chliwe ass e fine, as giare-ym voïd ny crauee as ny mee-chrauee.

Joel 1:19

O Hiarn, hood’s nee’m geamagh: son ta’n aile er stroie aberyn yn aasagh, as ta’n aile er lostey ooilley biljyn y vagher.

Joel 2:30

As soilshee-ym yindyssyn ayns yn aer, as er y thalloo, fuill, as aile, as torcan jaagh.

Leviticus 10:2

As hie aile magh veih’n Chiarn ren ad y stroie, as hooar ad baase kiongoyrt rish y Chiarn.

Amos 1:4

Agh ver-ym aile er thie Hazael, nee stroie plaaseyn Ven-hadad.

Amos 1:7

Agh ver-yms aile er voalley Ghaza, nee stroie ny plaaseyn echey.

Amos 2:5

Agh ver-ym aile er Judah, as nee eh stroie plaaseyn Yerusalem.

Amos 4:11

Ta mee er hilgey paart j’iu bun-ry-skyn, myr ren Jee rish Sodom as Gomorrah, as va shiu myr stoo saueit ass yn aile: ny-yeih, cha vel shiu er hyndaa hym’s, ta’n Chiarn dy ghra.

Amos 5:6

Shir-jee gys y Chiarn, as bee shiu bio, er-aggle dy brish eh magh myr aile ayns thie Yoseph, as stroie eh, as nagh bee unnane erbee dy vooghey eh ayns Beth-el.

Amos 7:1

Myr shoh ta’n Chiarn Jee er hoilshaghey dooys, as cur-my-ner, ren eh kiaddey ny locustyn ayns toshiaght cur magh yn vaare s’jerree, as cur-my-ner, she yn baare s’jerree ve lurg fouyr yn ree.

Amos 7:7

Myr shoh hoilshee eh dooys: as cur-my-ner, hass y Chiarn er voalley, va troggit lesh line-level, as y line ny laue.

Micah 1:4

As fosyn bee ny sleityn lheït as scoltaghyn ayns ny coanyn; myr kere-volley roish yn aile, as myr ny ushtaghyn ta roie sheese lesh yn eaynee.

Nahum 1:6

Quoi oddys shassoo roish e eulys? as quoi oddys gymmyrkey fo elgys e yymmoose? ta e chorree deayrtit magh myr aile, as ta ny creggyn tilgit bun-ry-skyn liorishyn.

Earrooyn 16:35

As haink aile magh veih’n Chiarn, as losht eh seose yn daa cheead as jeih deiney as da-eed va chebbal incense.

Deuteronomy 32:22

Son ta aile er vrishey magh ayns my yymmoose, nee lostey gys y diunid sodjey sheese, as ver eh mow yn thalloo, lesh e bishagh, as ver eh aile fo undinyn ny sleityn.

Hebrewnee 1:7

As mychione ny ainleyn t’eh gra, T’eh jannoo e ainleyn spyrrydyn, as e hirveishee lossey dy aile.

Ashlish 4:1

Lurg shoh yeeagh mee, as cur-my-ner, va dorrys er ny osley ayns niau: as va’n chied choraa cheayll mee, myr dy beagh eh cayrn taggloo rhym; dooyrt rhym, Tar seose gys shoh, as jeeagh-ym dhyt reddyn shegin ve ny lurg shoh.