Amos 7:3 - Yn Vible Casherick 1775 1819

³ Er shoh va’n Chiarn myghinagh; Cha bee eh myr shen, dooyrt y Chiarn.

Amos 7:3 ပူးပေါင်းရင်းမြစ်များ

Genesis 6:7

As dooyrt y Chiarn stroie-ym dooinney, ta mee er chroo veih eaghtyr y thallooin: chammah dooinney as baagh, as y cretoor snauee, as eeanlee yn aer: son ta arrys orrym dy vel mee er chroo ad.

1 Recortyssyn 21:15

As hug Jee e ainle gys Jerusalem dy stroie eh; as myr v’eh stroie, chur y Chiarn my-ner, as ghow eh chymmey jeh’n stayd treih oc, as dooyrt eh rish yn ainle va stroie, S’lioar eh, tayrn back dty laue. As hass ainle y Chiarn liorish laare-vooie Ornan yn Jebusite.

Psalmyn 106:45

Livrey uss shinyn, O Hiarn nyn Yee, as chaggil shin veih mastey ny ashoonyn: dy vod mayd booise y chur da dty Ennym casherick, as imraa gloyroil y yannoo jeh dty voylley.

Psalmyn 78:38

Agh v’eh cha myghinagh shen dy leih eh daue nyn voiljyn: as cha ren eh ad y stroie.

Psalmyn 90:13

Chyndaa uss reesht, O Hiarn, ec y jerrey: as bee graysoil da dty harvaantyn.

Exodus 32:14

As va’n Chiarn er ny veiyghey veih’n olk, v’eh kiarit dy yannoo rish e phobble.

Jeremiah 26:19

Dug Hezekiah ree Yudah as ooilley Judah eshyn gy-baase? nagh ren eh aggle y ghoaill roish y Chiarn, as guee gys y Chiarn, as ren y Chiarn yn vriwnys y hyndaa v’eh er n’ockley magh nyn ’oï? Myr shoh oddagh shinyn v’er dayrn briwnys trome er ny anmeenyn ain hene.

Jeremiah 42:10

My uirrys shiu ’sy cheer shoh, eisht nee’m shiu y hroggal, as cha nee y lhieggal; as nee’m shiu y hoiaghey, as cha nee y astyrt: son s’mooar lhiam yn olk ta mee hannah er choyrt erriu.

Hosea 11:8

Kys oddym scarrey rhyt, O Ephraim? kys oddym sauail oo, O Israel? kys nee’m oo myr Admah, as soiaghey jeed myr Zeboim? ta my chree er ny hyndaa cheu-sthie jee’m, ta my vyghinyn er ny ghreesaghey dy cheilley.

Joel 2:13

As raip-jee nyn gree, as cha nee nyn goamraghyn, as chyndaa-jee gys y Chiarn y Jee eu; son t’eh graysoil as myghinagh, moal gys corree, as dy chenjallys vooar, as meiygh-chreeagh tra t’eh kerraghey.

Joel 2:14

Quoi ec ta fys, nagh jyndaa eh reesht, as arrys y ghoaill, as bannaght y aagail ny yeï, dy jarroo, oural-arran, as oural-feeyney da’n Chiarn y Jee eu?

Amos 5:15

Bee-jee dwoaiagh er yn olk, as aggindagh er y vie, as jean-jee briwnys y niartaghey ayns y yiat: foddee dy bee yn Chiarn Jee ny flaunyssee, graysoil da fooilliagh Yoseph.

Amos 7:6

Er shoh va’n Chiarn reesht myghinagh. Chamoo hig shoh erriu, ta’n Chiarn Jee dy ghra.

Jonah 3:10

As honnick Jee nyn obbraghyn, dy hyndaa ad veih nyn ghrogh raad, as ren Jee meiyghey mychione yn olk, v’eh er chiarail dy choyrt orroo, as cha dug eh orroo eh.

Deuteronomy 32:36

Son nee’n Chiarn briwnys e phobble, as bee chymmey echey er e harvaantyn; tra hee eh dy vel y phooar oc er n’immeeaght, as nagh vel veg y chooney faagit nyn gour.

Jamys 5:16

Gow-jee rish nyn voiljyn yn derrey yeh da’n jeh elley, as gow-jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.