Amos 7:2 - Yn Vible Casherick 1775 1819

² As haink eh gy-kione, erreish daue v’er stroie faiyr y thallooin, eisht dooyrt mee, O Hiarn Yee, leih dooin, ta mee guee ort; quoi nee Jacob y niartaghey? son t’eh faase.

Amos 7:2 ပူးပေါင်းရင်းမြစ်များ

Psalmyn 12:1

Cooin lhiam, Hiarn, son cha vel un dooinney crauee faagit: son cha vel y vooinjer ynrick agh goan mastey cloan gheiney.

Exodus 10:15

Son choodee ad ooilley eaghtyr y thallooin, myr shen dy row’n cheer fo dorraghys, as d’ee ad ooilley lossreeyn y cheer, as ooilley mess ny biljyn va’n sniaghtey-garroo er n’aagail; as cha row glassyraght erbee er-mayrn er ny biljyn, ny ayns lossreeyn y vagheragh, trooid ooilley cheer Egypt.

Exodus 34:9

As dooyrt eh, My ta mee nish er gheddyn foayr ayns dty hilley, O Hiarn, lhig da my Hiarn, ta mee guee ort, goll nyn mastey, (ga dy nee pobble creoi-wannallagh ad) as leih dooin nyn loghtyn, as nyn beccaghyn, as gow shin son dty eiraght hene.

Isaiah 37:4

Foddee eh ’ve, dy jean y Chiarn dty Yee clashtyn goan Rabshakeh, ta ree Assyria e vainshtyr er choyrt dy oltooaney yn Jee bio, as dy der eh oghsan da ny goan ta’n Chiarn dty Yee er chlashtyn: shen-y-fa trog seose dty phadjer son y fooilliagh ta faagit.

Isaiah 51:19

Ta’n daa olk shoh er jeet ort; quoi vees trimshagh er dty hon? traartys, as toyrt-mow, as yn ghenney, as yn cliwe: quoi liorish nee’m dty gherjaghey?

Jeremiah 14:7

O Hiarn, ga dy vel nyn olkys hene gymmyrkey feanish nyn ’oï, cur uss feaysley dooin, son graih dty ennym: son s’mooar ta nyn gooyl-skyrraghtyn; ta shin er n’yannoo peccah dt’oï’s.

Jeremiah 42:2

As dooyrt ad rish Jeremiah yn phadeyr, Cur clashtyn foayroil, ta shin guee ort, da nyn aghin, as gow padjer er nyn son gys y Chiarn dty Yee, eer son whilleen j’in as ta er-mayrn; (son ta shin faagit beggan jeh ymmodee, myr ta dty hooillyn hene fakin shin;)

Ezekiel 11:13

As haink eh gy-kione, tra va mee er n’yannoo phadeyrys, dy dooar Pelatiah mac Venaiah baase: eisht huitt mee er my eddin, as deïe mee lesh ard-choraa, as dooyrt mee, Ah Hiarn Yee! vel oo jannoo slane jerrey er fooilliagh Israel?

Ezekiel 9:8

As haink eh gy-kione myr v’ad dy stroie ad, as mish faagit, dy huitt mee er my eddin, as deïe mee, as dooyrt mee, Ah Hiarn Yee! jean uss ooilley ny ta faagit jeh Israel y stroie, ayns deayrtey magh dty eulys er Jerusalem?

Daniel 9:19

O Hiarn eaisht rooin, O Hiarn leih dooin, O Hiarn cur dooin clashtyn, as jean er nyn son, ny lhig shaghey, er dty ghraih hene, O my Yee: son ta dty ard-valley, as dty phobble goll fo dty ennym.

Joel 2:17

Lhig da ny saggyrtyn, shirveishee yn Chiarn dobberan eddyr y phorch as yn altar, as lhig daue gra, Ymmyrk lesh dty phobble, O Hiarn, as ny cur dty eiraght dy ve ny oltooan, son ny ashoonee dy reill harrystoo: cre’n-fa yiarragh ad mastey yn pobble, Cre vel nish yn Jee oc?

Amos 4:9

Ta mee er woalley shiu lesh fowan as millchea; tra ren nyn gharaghyn, as nyn gharaghyn-feeyney, as nyn miljyn-figgagh, as nyn miljyn-olive bishaghey, ren yn veishteig-loauee ad y stroie: ny-yeih, cha vel shiu er hyndaa hym’s, ta’n Chiarn dy ghra.

Amos 7:5

Eisht dooyrt mee, O Hiarn Yee, lhaggee dty laue, ta mee guee ort; quoi nee Jacob y niartaghey? son t’eh faase.

Zechariah 4:10

Son adsyn nagh row scansh oc jeh laa ny nheeghyn fardalagh, gowee ad boggey, tra ver ad my-ner yn level ayns laue Zerubbabel, marish y chiaght shen; adsyn sooillyn y Chiarn, ta roie noon as noal er feaï-ny-cruinney.

Ashlish 9:4

As v’ad fo harey gyn skielley y yannoo da faiyr y thallooin, ny da red glass erbee, ny billey erbee; agh da ny deiney shen ny-lomarcan, nagh row cowrey Yee oc ayns glaare nyn eddin.