Amos 5:3 - Yn Vible Casherick 1775 1819

³ Son shoh myr ta’n Chiarn Jee dy ghra, Jeh yn ard-valley hie magh ny housane, cha bee faagit agh keead, as jeh shen hie magh keead, cha bee faagit agh jeih da thie Israel.

Amos 5:3 ပူးပေါင်းရင်းမြစ်များ

Psalmyn 144:14

Dy vod ny dew ain ’ve lajer son obbyr, nagh bee assee erbee: ny veg y chappeeys, ny oyr gaccan ayns nyn straidyn.

Isaiah 1:9

Er-be dy daag Chiarn ny flaunyssee dooin sluight fardalagh, veagh shin er ve myr Sodom, as casley rish Gomorrah.

Isaiah 10:22

Son ga dy vel dty phobble Israel myr genniagh ny marrey, foast nee fooilliagh jeu chyndaa: bee yn kerraghey ta kiarit er ny chooilleeney ayns myghin.

Isaiah 6:13

Agh ga dy bee yn jeihoo ayrn jeu faagit, as dy jean ad chyndaa, bee ad shen son spooilley: myr bun billey-unjin ny darragh, ta’n soo oc ayndoo, tra t’ad tilgey nyn ghuillagyn, shen myr vees yn sluight chrauee ayns y bun echey.

Ezekiel 12:16

Agh faag-yms kuse jeu veih’n chliwe, veih’n ghortey, as veih’n phaitt, dy vod adsyn ooilley nyn beccaghyn eajee y ockley magh mastey ny ashoonee, raad hig ad, as bee fys oc dy nee mish y Chiarn.

Amos 6:9

As hig eh gy-kione, my nee agh jeih deiney jeh’n un thie scapail, foast nee yn baase berraghtyn orroo.

Romanee 9:27

Ta Esaias myrgeddin fockley magh mychione Israel, Ga dy vel earroo cloan Israel myr geinnagh ny marrey, bee fooilliagh er ny hauail.

Deuteronomy 28:62

As bee shiu faagit beggan ayns earroo, ga dy row shiu myr rollageyn yn aer ayns earroo: er-yn-oyr nagh r’ou biallagh da coraa yn Chiarn dty Yee.

Deuteronomy 28:63

As hig eh gy-kione, myr ghow yn Chiarn boggey jiu, dy yannoo mie diu, as dy vishaghey shiu: myr shen bee eh aigney yn Chiarn, dy stroie shiu, as dy choyrt shiu gys veg; as bee shiu astyrit ass y cheer, raad ta shiu goll dy chummal ayn.

Deuteronomy 4:27

As nee’n Chiarn shiu y skeayley dy lhean mastey ny ashoonyn, as cha nhimmey jiu vees faagit, mastey ny ashoonyn, raad nee’n Chiarn geiyrt shiu.