Amos 4:3 - Yn Vible Casherick 1775 1819

³ As hed shiu magh er ny doarlishyn, dy chooilley vooa jeeragh ro-ee, as bee shiu eiyrit gys y woaillee, ta’n Chiarn dy ghra.

Amos 4:3 ပူးပေါင်းရင်းမြစ်များ

2 Reeaghyn 25:4

As va’n ard-valley er ny vrishey seose, as ren ooilley ny deiney-caggee cosney ersooyl ’syn oie, rish raad ny giattey, eddyr y daa voalley, ta liorish garey’n ree: (nish va ny Caldeeyn er chruinnaghey yn ard-valley mygeayrt:) as ghow yn ree raad y cheer-rea.

2 Reeaghyn 7:15

As hie ad geiyrt orroo gys Jordan; as cur-my-ner, va ooilley’n raad lane dy gharmadyn as greinyn-caggee, va ny Syrianee er cheau ersooyl ayns nyn siyr: as hyndaa ny chaghteryn, as dinsh ad da’n ree.

Isaiah 2:20

Nee dooinney ayns y laa shen ceau gys ny lughee as ny craitnagyn, e yallooyn argid as e yallooyn airhey, ren ad, dagh dooinney da hene, dy ooashlaghey:

Isaiah 31:7

Son ayns y laa shen ceau-ee dagh dooinney ersooyl e yallooyn argid, as e yallooyn airh, ta ny laueyn eu hene er chummey son peccah diu hene.

Jeremiah 52:7

Eisht va’n ard-valley er ny vrishey stiagh, as ren ooilley ny deiney-caggee cosney roue, as hie ad magh ass yn ard-valley ’syn oie, liorish raad ny giattey, eddyr y daa voalley, va liorish garey yn ree; (nish va ny Caldeanee er chruinnaghey yn ard-valley mygeayrt;) as ghow ad raad y cheer-rea.

Ezekiel 12:12

As y prince ta ny mast’ oc, nee eh gymmyrkey er e gheaylin ’sy cho-leayrtys, as hed eh magh: nee ad jannoo baarney trooid y voalley, dy chur lhieu magh ny hrooid: nee eh e eddin y choodaghey, nagh vaik eh yn thalloo lesh e hooillyn.

Ezekiel 12:5

Cleiy uss baarney trooid y voalley ayns nyn shilley, as cur lhiat magh [dty chooid] er.

Amos 6:7

Shen-y-fa hed ad-hene ayns toshiaght yn nah chappeeys, as bee ny cuirraghyn rouanagh ocsyn er ny scughey.

Zephaniah 1:18

Chamoo oddys yn argid, ny yn airh oc sauail ad ayns laa jymmoose y Chiarn, agh bee yn slane cheer er ny choyrt mow lesh aile yn eadolys echey: son nee eh dy jarroo, dy leah geddyn rea rish ooilley cummaltee yn cheer.

Noo Mian 16:26

Son cre’n vondeish t’ec dooinney, my chosnys eh yn seihll ooilley, as e annym hene y choayl? ny cre nee dooinney y choyrt ayns coonrey son e annym?

Briwnyn 5:17

Duirree Gilead cheu elley dy Yordan: as cre’n-fa va Dan cur rish e lhuingys? duirree Asher rish oirr ny marrey, as v’eh ny haaue ayns ny purtyn.