Amos 4:2 - Yn Vible Casherick 1775 1819

² Ta’n Chiarn Jee er vreearrey liorish e chasherickys, Cur-my-ner, hig ny laghyn erriu, dy jean eh goaill shiu ersooyl lesh dooanyn, as yn sluight eu lesh croaganeyn-eeastee.

Amos 4:2 ပူးပေါင်းရင်းမြစ်များ

Psalmyn 89:35

Nee yn sluight echey tannaghtyn son dy bragh: as ta’n stoyl echey goll-rish y ghrian kiongoyrt rhym.

Psalmyn 89:36

Nee eh shassoo shickyr son dy bragh myr yn eayst: as myr yn feanish firrinagh ayns niau.

Isaiah 37:29

Er-yn-oyr dy vel dty eulys m’oï, as dty anvea er jeet gys my chleayshyn; shen-y-fa ver-yms my ghooan ayns dty stroin, as my streean ayns dty veillyn, as chyndaa-ym oo back er y raad haink oo.

Jeremiah 16:16

Cur-my-ner, ver-ym fys er ymmodee eeasteyryn, ta’n Chiarn dy ghra, as nee ad y hayrtyn ad; as ver-ym fys er ymmodee shelgeyryn, as nee ad y helg ad veih dy chooilley lieau, as veih dy chooilley chronk, as veih guaggyn ny creggey.

Ezekiel 29:4

Agh ver-yms dooanyn ayns dty cheeillyn’s, as ver-ym er eeastyn dty awin dy lhiantyn gys dty scaailey, as sleayd-ym seose oo ass mean dty awinyn, as nee ooilley eeastyn dty awin lhiantyn gys dty scaailey.

Ezekiel 34:16

Nee’m shirrey son shen va caillit, as ver-ym lhiam reesht shen v’er-shaghryn, as soïll-ym seose shen va brisht, as niartee-ym shen va doghanit: agh stroie-ym ny mooaralee, as y lajer, as lesh briwnys jeeagh-yms nyn yeï.

Ezekiel 38:4

As neem’s uss y chastey reesht, as ver-ym dooanyn ayns dty cheeillyn, as ver-ym lhiam magh oo, as ooilley dty heshaghtyn-caggee, cabbil as markee, ooilley coamrit ayns dy chooilley cheint dy eilley-caggee, eer sheshaght vooar lesh buckleryn as scapeyn, dy chooilley ghooinney jeu loaghtey yn cliwe.

Amos 6:8

Ta’n Chiarn Jee er vreearrey liorish hene, ta’n Chiarn, Jee ny flaunyssee, gra, Ta dwoaie aym er mooaralys Yacob, as feoh aym er e chooyrtyn reeoil: shen-y-fa livrey-ym seose yn ard-valley, marish ooilley ny t’ayn.

Amos 8:7

Ta’n Chiarn er vreearrey liorish ooashley Yacob, Son shickyrys cha jarrood-ym dy bragh veg jeh ny obbraghyn oc.