Amos 4:12 - Yn Vible Casherick 1775 1819

¹² Shen-y-fa, shoh myr neem’s rhyt, O Israel: as er-yn-oyr, dy jean-ym shoh rhyt, fow aarloo dy gholl quail dty Yee, O Israel.

Amos 4:12 ပူးပေါင်းရင်းမြစ်များ

Isaiah 32:11

Bee-jee er-creau, shiuish vraane ta ec nyn aash; bee-jee seaghnit, shiuish inneenyn mee-rioosagh: jean-jee rooisht, as cur-jee j’iu, as kiangle-jee aanrit-sack mysh nyn meeghyn.

Isaiah 47:3

Bee dty scammylt er ny hoilshaghey, eer bee dty nearey er ny akin: goym’s cooilleeney, as cha jig-ym dty whail myr dooinney.

Isaiah 64:2

Myr tra ta’n aile lheïe as lostey, ta’n aile coyrt er ny ushtaghyn dy chloie; dy hoilshaghey dty ennym da dty noidyn, dy vod ny ashoonyn craa ec dty enish!

Jeremiah 5:22

Nagh jean-jee aggle y ghoaill roym’s? ta’n Chiarn dy ghra: nagh bee shiu er-creau ec my enish, t’er hoiaghey yn gheinnagh son cagliagh ny marrey, liorish sarey shickyr, nagh jed eh harrish; as ga dy vel ny tonnyn eck troggal ad-hene dy ard, ny-yeih cha vod ad goll harrish; ga s’mooar y feiyr t’ad dy yannoo, ny-yeih cha jarg ad goll ny-sodjey?

Ezekiel 13:5

Cha vel shiu er n’gholl seose gys ny doarlishyn, chamoo ta shiu er n’yannoo seose yn chleiy son thie Israel, dy hassoo ’sy chaggey ayns laa yn Chiarn.

Ezekiel 22:30

As hir mee son dooinney ny mast’ oc, yinnagh yn cleiy y yannoo seose, as shassoo ’sy doarlish roym’s son y cheer, nagh jinnin eh y stroie: agh cha row fer ry-gheddyn.

Hosea 13:8

Ver-ym quaaltagh daue myr y vuc-awin ta er choayl e quallianyn, as raip-ym skairt y chree oc, as shen y raad myr lion nee’m stroie ad: nee yn veisht oaldey ad y raipey.

Amos 2:14

Cha bee sauchys cour ny coshee bieau, as cha bee bree erbee ayns troshid yn er lajer, chamoo nee yn treanagh eh-hene y livrey:

Noo Mian 24:44

Shen-y-fa bee-jee shiuish myrgeddin ullee: son ec lheid yn oor as nagh vel shiu smooinaghtyn er, hig yn Mac dooinney.

Noo Mian 5:25

Coard dy tappee rishyn ta streeu rhyt, choud as vees shiu goll cooidjagh er y raad, er-aggle dy der eshyn oo fo laue yn vriw, as dy der yn briw oo fo currym y tidoor, as dy bee oo tilgit ayns pryssoon.

Ashlish 3:3

Cooinee, er-y-fa shen, kys t’ou er gheddyn as er chlashtyn, as cum shickyr, as gow arrys. Mannagh bee oo er-y-fa shen er dty arrey, hig-ym ort myr maarliagh, as cha bee fys ayd cre’n oor hig-ym ort.