Amos 1:3 - Yn Vible Casherick 1775 1819

³ Shoh myr ta’n Chiarn dy ghra, Son three ard-pheccaghyn Ghamascus, as son kiare cha jyndaa-ym ersooyl e cherraghey: er-yn-oyr dy vel ad er woalley Gilead lesh soostyn yiarn.

Amos 1:3 ပူးပေါင်းရင်းမြစ်များ

1 Reeaghyn 19:17

As hig eh gy-kione, eshyn ta scapail cliwe Hazael nee Jehu marroo; as eshyn ta scapail veih cliwe Jehu nee Elisha marroo.

2 Reeaghyn 13:3

As va jymmoose y Chiarn er ny vrasnaghey noi Israel; as livrey eh ad gys laue Hazael ree Syria, as gys laue Ben-hadad mac Hazael, ooilley nyn laghyn.

2 Reeaghyn 13:7

Chamoo daag eh jeh’n pobble da Jehoahaz, agh jeih markee as da-eed, as jeih fainee, as jeih thousane coshee; son va ree Syria er stroie ad, as er woalley ad myr joan y laare-vooie.

2 Reeaghyn 16:9

As choard ree Assyria rish; son hie ree Assyria seose noi Damascus, as ghow eh eh, as hug eh lesh y pobble v’ayn nyn gappee gys Kir, as varr eh Rezin.

2 Reeaghyn 8:12

As dooyrt Hazael, Cre’n-fa, ta my hiarn keayney? As dreggyr eh, Er-yn-oyr dy vel fys aym cre’n olk ver uss lhiat er cloan Israel: ny ynnydyn lajer oc nee uss y lostey, as ny deiney aegey oc nee uss y varroo lesh y chliwe, as yn chloan oc nee uss y vransey, as giarey seose nyn mraane torragh.

Lioar Yob 19:3

Shimmey ta ny keayrtyn ta shiu er my oltooaney: nagh vel nearey erriu dy hionney cha trome orrym?

Lioar Yob 5:19

Nee eh uss y livrey ayns shey seaghyn, eer ayns shiaght cha jig olk erbee dty choair.

Raaghyn Creeney 6:16

Ny shey reddyn shoh ta’n Chiarn feohdaghey, as ta eer yn chiaghtoo dwoaiagh da.

Ecclesiastes 11:2

Cur cooid-ronney da shiaght, as myrgeddin da hoght; son cha vel fys ayd, cre’n lhag-haghyrt hig er yn ooir.

Isaiah 28:27

Son cha vel y pishyr er ny woalley lesh greïe-woaillee, chamoo ta queeyl chart er ny hyndaa er y cummin; agh ta’n pishyr er ny woalley lesh soost, as yn cummin lesh slatt.

Isaiah 41:15

Cur-my-ner, nee’m oo y yannoo myr greïe noa gyere-feeacklagh, ry-hoi tasteraght: as nee oo tasteraght ny sleityn, as broo ad dy myn, as nee oo ny croink myr coau.

Isaiah 7:16

Son roish my vees toiggal ec y lhiannoo dy obbal yn olk, as dy reih yn mie, bee’n cheer ta dwoaie ayd urree treigit liorish y daa ree eck.

Isaiah 7:8

Son ta Damascus kione Syria, as Rezin kione Ghamascus; as cheu-sthie jeh three-feed bleïn as queig bee Ephraim naardey, nagh bee eh ny phobble.

Isaiah 8:4

Son roish my bee tushtey ec y lhiannoo dy eam, My ayr, as my voir, bee berchys Ghamascus as spooilley Samaria goit ersooyl roish ree Assyria.

Amos 1:11

Shoh myr ta’n Chiarn dy ghra, Son three ard-pheccaghyn Edom, as son kiare cha jyndaa-ym ersooyl e cherraghey: er-yn-oyr dy deiyr eh er e vraar lesh y chliwe, as dy hilg eh jeh dy chooilley erreeish, as ren e chorree freaney dy kinjagh, as dreill eh e yymmoose son dy bragh.

Amos 1:13

Shoh myr ta’n Chiarn dy ghra, Son three ard-pheccaghyn cloan Ammon, as son kiare cha jyndaa-ym ersooyl e cherraghey: er-yn-oyr dy vel ad er yiarey foshlit mraane torragh Ghilead, er-chee dy heeyney magh nyn ardjyn

Amos 1:6

Shoh myr ta’n Chiarn dy ghra, Son three ard-pheccaghyn Ghaza, as son kiare cha jyndaa-ym ersooyl e cherraghey: er-yn-oyr dy dug ad lhieu ersooyl, yn slane cappeeys, dy livrey ad seose gys Edom.

Amos 1:9

Shoh myr ta’n Chiarn dy ghra, son three ard-pheccaghyn Tyrus, as son kiare cha jyndaa-ym ersooyl e cherraghey: er-yn-oyr dy livrey ad seose yn slane cappeeys gys Edom, as nagh chooinee ad er yn conaant braaragh.

Amos 2:1

Shoh myr ta’n Chiarn dy ghra, Son three ard-pheccaghyn Voab, as son kiare cha jyndaa-ym ersooyl e cherraghey: er-yn-oyr dy losht eh craueyn ree Edom gys eayl.

Amos 2:4

Shoh myr ta’n Chiarn dy ghra, Son three ard-pheccaghyn Yudah, as son kiare cha jyndaa-ym ersooyl e cherraghey: er-yn-oyr dy ren ad beg y hoiaghey jeh leigh yn Chiarn, as nagh vel ad er vreayll e annaghyn, as hug nyn mreagyn ad er-shaghryn, as deiyr nyn ayraghyn da’n aght cheddin.

Amos 2:6

Shoh myr ta’n Chiarn dy ghra, Son three ard-pheccaghyn Israel, as son kiare cha jyndaa-ym ersooyl e cherraghey: er-yn-oyr dy chreck ad cooish yn vooinjer chairal son argid, as yn ymmyrchagh son piyr vraag.

Zechariah 9:1

Phadeyrys trome goo yn Chiarn noi cheer Hadrach, as er Damascus nee eh tannaghtyn: tra vees sooillyn dooinney, myr jeh ooilley sheelogheyn Israel er ny hyndaa gys y Chiarn.

Zechariah 9:2

As noi Hamath t’er y chagliagh oc; noi Tyrus as Zidon my s’creeney ad.