2 Samuel 9:7 - Yn Vible Casherick 1775 1819

⁷ As dooyrt David rish, Ny bee aggle ort: son neem’s dy firrinagh aigney-mie y yeeaghyn dhyt er graih dty ayr Jonathan, as ver-yms oo reesht ayns eiraght Saul dt’ayr; as bee oo my ghoaldagh kinjagh ec my voayrd hene.

2 Samuel 9:7 ပူးပေါင်းရင်းမြစ်များ

Genesis 43:18

As va aggle er ny deiney, er-y-fa dy row ad er nyn goyrt lhieu stiagh ayns thie Yoseph, as dooyrt ad; Er coontey’n argid va er ny hyndaa ayns ny saick ain yn chied cheayrt, ta shin er nyn goyrt lhien stiagh; dy vod shen ve echey noi ain, as tuittym orrin, as shin y ghoaill ayns bondiaght, as ny assylyn ain.

Genesis 43:23

As dooyrt eh, Shee dy row erriu, ny gow-jee aggle: ta’n Jee euish, as Jee nyn ayrey er choyrt diu berchys ayns ny saick eu: aym’s va’n argid eu: as hug eh lesh Simeon magh huc.

2 Samuel 12:8

As hug mee dhyt thie dty vainshtyr, as mraane dty vainshtyr fo dty phooar, as hug mee dhyt thie Israel as Yudah; as my veggan lhiat shen, veign’s ny sodjey er choyrt dhyt lheid as lheid ny reddyn.

2 Samuel 19:28

Son cha row ooilley thie m’ayrey agh deiney marroo kiongoyrt rish my hiarn y ree: ny-yeih hoie oo dty harvaant mastey goaldee dty voayrd hene. Cre’n chairys eisht t’aym’s dy yannoo aghin sodjey gys y ree?

2 Samuel 19:29

As dooyrt y ree rish, Cha lhiass dhyt loayrt ny sodjey mychione dty chooishyn? ta mee er ghra, Gow uss as Ziba yn thalloo eddyr shiu.

2 Samuel 19:33

As dooyrt y ree rish Barzillai, Tar harrish mârym’s, as nee oo beaghey mârym pene ayns Jerusalem.

2 Samuel 21:7

Agh haue y ree Mephibosheth, mac Yonathan, mac Saul, er coontey breearrey’n Chiarn va eddyr ad, eddyr David as Jonathan mac Saul.

2 Samuel 9:1

As dooyrt David, Vel foast veg er-mayrn jeh thie Saul, dy voddym kenjallys y yeeaghyn da er graih Yonathan?

2 Samuel 9:10

Nee uss er-y-fa shen, as dty vec, as dty harvaantyn, laboragh y thalloo da, as ver oo lhiat stiagh ny messyn da, dy vod beaghey ve ec mac dty vainshtyr dy ghoaill: agh nee Mephibosheth mac dty vainshtyr dy kinjagh gee ec my voayrd hene. Nish v’ec Ziba, queig mec jeig, as feed sharvaant.

2 Samuel 9:11

Eisht dooyrt Ziba rish y ree, Cordail rish ooilley ny ta my hiarn y ree er choyrt er currym da e harvaant, myr shen nee dty harvaant. Er son Mephibosheth, dooyrt y ree, nee eh gee ec my voayrd hene, myr fer jeh mec y ree.

2 Samuel 9:13

Shoh myr haink Mephibosheth dy chummal ayns Jerusalem: son d’ee eh dy kinjagh ec boayrd y ree; as v’eh baccagh er e ghaa chass.

2 Samuel 9:3

As dooyrt y ree, Nagh vel foast veg er-mayrn jeh thie Saul, dy voddym kenjallys Yee y yeeaghyn da? As dooyrt Ziba rish y ree, Ta mac foast ec Jonathan, ta baccagh.

1 Reeaghyn 2:7

Agh jeeagh kenjallys da mec Barzillai yn Gileadite, as lhig daue ve jeusyn ta gee ec dty voayrd: son shen myr haink ad hym tra hie mee er-chea kyndagh rish Absalom dty vraar.

2 Reeaghyn 25:29

As ren eh caghlaa e gharmadyn pryssoon: as d’ee eh arran dy kinjagh marish hene ooilley laghyn e vea.

Psalmyn 41:9

Dy jarroo, my charrey ainjyssagh hene, er hug mee my hreisht: eshyn neesht ren gee jeh m’arran, t’eh dy mooar farkiaght dy follit er my hon.

Jeremiah 52:33

As ren eh caghlaa e gharmadyn-pryssoon; as d’ee eh arran dy kinjagh marish hene ooilley laghyn e vea.

Zechariah 7:9

Myr shoh ta Chiarn ny flaunyssee loayrt, gra, Jean-jee briwnys firrinagh, as soilshee-jee myghin as erreeish dy chooilley ghooinney da e vraar.

Noo Mian 6:11

Cur dooin nyn arran jiu as gagh laa.

Noo Luke 22:30

Dy vod shiu gee as giu ec my voayrd ayns my reeriaght, as soie er stuill-reeoil, briwnys daa heeloghe yeig Israel.

Ashlish 3:20

Cur-my-ner, ta mee my hassoo ec y dorrys, as shirrey fosley: My ver dooinney erbee clashtyn da my choraa, as y dorrys y osley, hig-ym stiagh huggey, as nee’m shibber y ghoaill mârish, as eshyn mârym’s.

1 Samuel 12:24

Ynrycan gow-jee aggle roish y Chiarn, as shirveish-jee eh ayns firrinys lesh ooilley nyn gree: son smooinee-jee cre ny reddyn yindyssagh t’eh er n’yannoo er nyn son.

1 Samuel 20:15

Agh myrgeddin cha jean oo lhaggaghey dty chenjallys gys my hie son dy bragh: eer lurg da’n Chiarn v’er yiarey jeh noidyn Ghavid, dagh unnane oc veih eaghtyr y thallooin.

1 Samuel 22:23

Fuirree uss mârym, ny bee aggle ort; son eshyn ta shirrey dy ghoaill ersooyl my vioys, t’eh shirrey’n vioys ayd’s: agh mârym’s bee oo ayns sauchys.