2 Samuel 9:6 - Yn Vible Casherick 1775 1819

⁶ Nish tra va Mephibosheth, mac Yonathan, mac Saul, er jeet gys David, huitt eh er e eddin, as ren eh biallys. As dooyrt David, Mephibosheth! As dreggyr eh, Cur-my-ner dty harvaant.

2 Samuel 9:6 ပူးပေါင်းရင်းမြစ်များ

Genesis 18:2

As hrog eh seose e hooillyn as yeeagh eh, as cur-my-ner, va three deiney nyn shassoo er-gerrey da: as tra honnick eh ad, roie eh nyn guail veih dorrys y chabbane, as chroym eh sheese eh hene lesh y thalloo.

Genesis 33:3

As hie eh harrish rhymboo, as chroym eh eh-hene gys y thalloo shiaght keayrtyn, derrey haink eh er-gerrey da e vraar.

2 Samuel 1:7

As tra yeeagh eh ny yeï, honnick eh mish, as deïe eh dou: as dreggyr mish, Ta mee ayns shoh.

2 Samuel 16:4

Eisht dooyrt y ree rish Ziba, Cur-my-ner, lhiat’s ta ooilley ny va bentyn da Mephibosheth. As dooyrt Ziba, Shoh ta mee dy imlee guee ort, dy voddym agh foayr y gheddyn ayns dty hilley, my hiarn, O ree.

2 Samuel 21:7

Agh haue y ree Mephibosheth, mac Yonathan, mac Saul, er coontey breearrey’n Chiarn va eddyr ad, eddyr David as Jonathan mac Saul.

2 Samuel 4:4

As v’ec Jonathan, mac Saul, mac va baccagh, as v’eh queig bleeaney d’eash tra haink naightyn jeh Saul as Jonathan veih Jezreel, as hrog e voandyr lh’ee eh, as chossyn ee rhymbee: as haink eh gy-kione myr v’ee ayns rouyr siyr dy chosney ersooyl, dy dooar eh lhieggey ren baccagh jeh. As va’n ennym echey Mephibosheth.

2 Samuel 9:5

Eisht hug ree David fys, as hug ad lhieu eh veih thie Machir mac Ammiel, veih Lodebar.

1 Recortyssyn 8:34

Mac Yonathan va Meribbaal; as hooar Meribbaal Micah.

1 Recortyssyn 9:40

As mac Jonathan va Meribbaal: as hooar Meribbaal Micah;

1 Samuel 20:41

As cha leah’s va’n guilley er n’immeeaght, hrog David veih’n ynnyd my-yiass, as huitt eh er e eddin gys y thalloo, as chroym eh eh-hene three keayrtyn; as ren ad paagey y cheilley, as cheayn ad cooidjagh, agh David smoo ren dobberan.

1 Samuel 25:23

As tra honnick Abigail David, ren ee siyr, as harlheim ee jeh’n assyl, as huitt ee er e eddin kiongoyrt rish David, as chroym ee ee-hene gys y thalloo.