2 Samuel 9:11 - Yn Vible Casherick 1775 1819

¹¹ Eisht dooyrt Ziba rish y ree, Cordail rish ooilley ny ta my hiarn y ree er choyrt er currym da e harvaant, myr shen nee dty harvaant. Er son Mephibosheth, dooyrt y ree, nee eh gee ec my voayrd hene, myr fer jeh mec y ree.

2 Samuel 9:11 ပူးပေါင်းရင်းမြစ်များ

2 Samuel 15:15

As dooyrt sharvaantyn y ree rish, Cur-my-ner ta dty harvaantyn aarloo dy yannoo cre-erbee nee my hiarn y ree pointeil.

2 Samuel 19:17

As va thousane dy gheiney Venjamin mârish, as Ziba sharvaant dy hie Saul, as e wheig mec jeig, as feed sharvaant mârish, as hie ad harrish Jordan roish y ree.

2 Samuel 19:24

As haink Mephibosheth mac Saul neose quail y ree, as cha row eh chamoo er niee e chassyn, ny er vaarey e aasaag, ny er chaghlaa e choamrey er-dyn laa hie’n ree roish derrey’n laa haink eh reesht ayns shee.

2 Samuel 19:26

As dreggyr eh, My hiarn, O ree, ren my harvaant m’y volley; son dooyrt mish dty harvaant, Cur jeelt er yn assyl dou dy varkiagh, dy gholl quail y ree, er-yn-oyr dy vel dty harvaant baccagh.

2 Samuel 9:10

Nee uss er-y-fa shen, as dty vec, as dty harvaantyn, laboragh y thalloo da, as ver oo lhiat stiagh ny messyn da, dy vod beaghey ve ec mac dty vainshtyr dy ghoaill: agh nee Mephibosheth mac dty vainshtyr dy kinjagh gee ec my voayrd hene. Nish v’ec Ziba, queig mec jeig, as feed sharvaant.

2 Samuel 9:12

As va mac aeg ec Mephibosheth, va’n ennym echey Michal. As va slane lught-thie Ziba sharvaantyn da Mephibosheth.

2 Samuel 9:13

Shoh myr haink Mephibosheth dy chummal ayns Jerusalem: son d’ee eh dy kinjagh ec boayrd y ree; as v’eh baccagh er e ghaa chass.