2 Samuel 8:9 - Yn Vible Casherick 1775 1819

⁹ Tra cheayll Toi ree Hamath dy row David er woalley ooilley sheshaght-caggee Hadadezer,

2 Samuel 8:9 ပူးပေါင်းရင်းမြစ်များ

2 Samuel 8:10

Eisht hug Toi Joram e vac gys ree David, lesh bea as slaynt huggey, as dy ghoaill boggey mârish, son dy row eh er chaggey noi Hadadezer, as er varroo eh: (son va caggaghyn ec Hadadezer rish Toi:) as hug Joram lesh mârish siyn argid, as siyn airh, as siyn prashey:

1 Reeaghyn 8:65

As ec y traa shen dreill Solomon feailley, as ooilley Israel mârish, chaglym mooar dy leih, veih’n goll stiagh ec Hamath gys awin Egypt, kiongoyrt rish y Chiarn yn Jee ain, shiaght laa as shiaght laa, dy jarroo kiare laghyn jeig.

1 Recortyssyn 18:9

Nish tra va Tou, ree Hamath, er chlashtyn dy row David er woalley ooilley sheshaght-caggee Hadarezer, ree Zobah,

2 Recortyssyn 8:4

As hrog eh Tadmor ’syn aasagh, as ooilley ny ard-valjyn-stoyr, hrog eh ayns Hamath.

Amos 6:2

Immee-jee harrish gys Calneh, as cur-jee my-ner, as veih shen gow-jee gys Hemath mooar: eisht immee-jee sheese gys Gath ny Philistinee: vel ad shen ny share na ny reeriaghtyn shoh? ny’n chagliagh ocsyn ny s’lhea na’n chagliagh euish?

Earrooyn 34:8

Veih cronk Hor, nee shiu roie yn chagliagh eu derrey hig ee gys Hamath: as bee’n chagliagh veih shen gys Zedad.