2 Samuel 8:4 - Yn Vible Casherick 1775 1819

⁴ As ghow David veihsyn thousane fainagh, as shiaght thousane markee, as feed thousane coshee: as yiare David feh-yskid ooilley ny cabbil fainee, agh haue eh keead jeu son whilleen fainagh.

2 Samuel 8:4 ပူးပေါင်းရင်းမြစ်များ

Genesis 49:6

O m’annym, ny gow uss ayrn ’sy choyrle follit oc; gys y cheshaght oc, O my ooashley, ny bee uss er dty lhiantyn: son ayns y chorree oc, ren ad dooinney ’ghunverys, as ayns dewlys nyn farg, lhieg ad sheese voallaghyn,

1 Reeaghyn 10:26

As haggil Solomon cooidjagh fainee as markee: as v’echey thousane as kiare cheead fainagh, as daa housane jeig dy varkee, ren eh pointeil ayns ny ard-valjyn son fainee, as dy ve marish y ree ec Jerusalem.

1 Recortyssyn 18:4

As ghow David veihsyn thousane fainagh, as shiaght thousane markee, as feed thousane coshee, as yiare David feh-yskid ooilley ny cabbil fainee, er-lhimmey jeh keead, dreill eh da hene.

Psalmyn 20:7

Ta paart coyrt nyn marrant gys fainaghyn, as paart gys cabbil: agh nee shinyn cooinaghtyn er Ennym y Chiarn, y Jee ain.

Deuteronomy 17:16

Agh cha jean eh bishaghey cabbil da hene, ny cur er y pobble dy hyndaa gys Egypt ry-hoi bishaghey cabbil: son wheesh as dy vel y Chiarn er ghra riu, Cha jed shiu arragh back y raad cheddin.

Joshua 11:6

As dooyrt y Chiarn rish Joshua, Ny gow aggle roue: son mysh y traa shoh mairagh, neem’s livrey ooilley ad seose marroo kiongoyrt rish Israel: nee oo feh-yskid nyn gabbil y yiarey, as lostey ny fainee oc ’syn aile.

Joshua 11:9

As ren Joshua roo myr doardee yn Chiarn da: yiare eh feh-yskid nyn gabbil, as losht eh nyn vainee lesh aile.