2 Samuel 8:3 - Yn Vible Casherick 1775 1819

³ As woaill David myrgeddin Hadadezer mac Rehob, ree Zobah, myr hie eh dy hickyraghey e reeriaght ec awin Euphrates.

2 Samuel 8:3 ပူးပေါင်းရင်းမြစ်များ

Genesis 15:18

Ayns y laa cheddin ren y Chiarn conaant rish Abram, gra, Da dty luight ta mee er choyrt yn cheer shoh, veih awin Egypt gys yn awin vooar, ta shen, awin Euphrates:

2 Samuel 10:15

As tra honnick ny Syrianee dy row Israel er chosney orroo, v’ad er nyn jaglym cooidjagh.

2 Samuel 10:16

As hug Hadarezer fys, as hayrn eh magh ny Syrianee v’er cheu elley jeh’n awin: as haink ad gys Helam; as va Shobach, captan sheshaght-caggee Hadarezer, harrystoo.

2 Samuel 10:19

Tra honnick ooilley ny reeaghyn va cooney lesh Hadarezer, dy row ad bwoailt roish Israel, ren ad shee rish Israel, as v’ad fo keesh. Myr shoh va aggle er ny Syrianee dy chooney lesh cloan Ammon arragh.

2 Samuel 10:6

As tra dennee cloan Ammon dy row ad dy mooar er vrasnaghey David, hug ad fys as daill ad Syrianee Veth-rehob, as Syrianee Zoba, feed thousane deiney coshee, as veih ree Maacah thousane dooinney, as veih Ish-tob daa housane jeig.

2 Samuel 23:36

Igal mac Nathan jeh Zobah, Bani yn Gadite,

1 Reeaghyn 4:21

As ren Solomon reill harrish dy chooilley reeriaght veih’n awin gys cheer ny Philistinee, as gys cagliagh Egypt: hug ad lhieu giootyn, as hirveish ad Solomon ooilley laghyn e vea.

1 Recortyssyn 18:3

As woaill David Hadarezer ree Zobah, ec Hamath, myr hie eh dy yannoo mie e reeriaght liorish awin Euphrates.

2 Recortyssyn 8:3

As hie Solomon gys Hamath-zobah, as hooar eh yn varriaght er.

Psalmyn 60:1

O Yee t’ou er hilgey shin magh, as er skeayley shin dy lhean: t’ou myrgeddin er ve jymmoosagh rooin; O chyndaa hooinyn reesht.

Psalmyn 72:8

Bee yn reiltys echey myrgeddin veih un aarkey gys faarkey elley: as veih’n awin vooar gys ayrnyn sodjey yn ooir.

Exodus 23:31

As neem’s soiaghey dty chagleeyn veih’n Faarkey Jiarg eer gys faarkey ny Philistinee, as veih faasagh [Arabia] gys awin [Euphrates;] son neem’s cummaltee yn cheer y livrey gys nyn laue, as nee’m ad y imman magh royd.

Deuteronomy 11:24

Lhieuish vees dy chooilley ynnyd ver shiu boyn nyn goshey er: veih’n aasagh, as Lebanon, veih’n awin, awin Euphrates, choud as yn aarkey sodjey magh, vees nyn gagliagh.

1 Samuel 14:47

Myr shen ghow Saul yn reiltys harrish Israel, as ren eh caggey noi ooilley e noidyn er dy chooilley heu, noi Moab, as noi cloan Ammon, as noi Edom, as noi reeaghyn Zobah, as noi ny Philistinee: as cre-erbee yn raad hyndaa eh, hooar eh yn varriaght.