2 Samuel 8:2 - Yn Vible Casherick 1775 1819

² As woaill eh Moab, as howse eh yn cheer oc lesh line, lhieggal ny ard-valjyn gys y thalloo: eer lesh daa line ren eh ad y rheynn son baase, as lesh un line slane son bioys: as shoh myr haink ny Moabiteyn dy ve fo reill Ghavid, as v’ad fo keesh.

2 Samuel 8:2 ပူးပေါင်းရင်းမြစ်များ

2 Samuel 12:31

As hug eh lesh magh ny cummaltee v’ayn, as hug eh ad fo obbyr chreoi, lesh saaueyn, as lesh cleïn yiarn, as lesh teighyn yiarn, as dy gholl trooid obbyr yn aiee-vreek: as myr shoh ghell eh rish ooilley ard-valjyn cloan Ammon. Er shoh hyndaa David as ooilley’n pobble reesht gys Jerusalem.

2 Samuel 8:6

Eisht hug David garrisonyn ayns Syria jeh Damascus: as haink ny Syrianee dy ve fo reill Ghavid, as v’ad fo keesh. As ren y Chiarn David y choadey raad erbee dy jagh eh.

1 Reeaghyn 4:21

As ren Solomon reill harrish dy chooilley reeriaght veih’n awin gys cheer ny Philistinee, as gys cagliagh Egypt: hug ad lhieu giootyn, as hirveish ad Solomon ooilley laghyn e vea.

2 Reeaghyn 1:1

Eisht dirree Moab magh noi Israel lurg baase Ahab.

2 Reeaghyn 17:3

Haink Shalmaneser ree Assyria seose n’oï; as haink Hoshea dy ve fo e viallys, as deeck eh keesh da.

1 Recortyssyn 18:2

As woaill eh Moab; as haink ny Moabiteyn dy ve fo reill Ghavid, as v’ad fo keesh.

2 Recortyssyn 26:8

As deeck ny Ammoniteyn keesh da Uzziah, as ren e ghoo skeayley dy lhean, eer gys cagliagh Egypt, son ren eh eh-hene y niartaghey erskyn towse.

Psalmyn 108:9

Ta Judah m’er-reill ’sy leigh, Moab my haagh-nieeaghyn: shooill-ym harrish Edom; harrish Philistia yioym y varriaght.

Psalmyn 18:45

Cha leah as chlinnys ad jee’m, ver ad biallys dou: agh nee’n chloan yoarree foalsaght rhym.

Psalmyn 60:10

Nagh vel uss er hilgey magh shin, O Yee: Nagh jean uss, O Yee, goll magh marish ny sheshaghtyn-caggee ain?

Psalmyn 60:8

Moab my haagh-nieeaghyn, shooill-ym harrish Edom: Philistia, gow uss boggey jee’m.

Psalmyn 83:6

Cabbaneyn ny Edomiteyn, as ny Ishmaeliteyn: ny Moabiteyn, as ny Hagareneyn;

Isaiah 36:16

Ny eaisht-jee rish Hezekiah; son myr shoh ta ree Assyria gra, Jean-jee coardail rhym liorish gioot, as tar-jee magh hym’s; as ee-jee dy chooilley ghooinney jeh e villey-feeyney hene, as dy chooilley ghooinney j’iu jeh e villey-figgagh hene, as iu-jee dy chooilley unnane jeh ushtaghyn yn chibbyr echey hene;

Earrooyn 24:17

Neem’s fakin eh, agh cha nee nish: ver-ym eh my-ner, agh cha nee dy gerrit: hig Rollage ass Jacob, as nee Lorg-reill troggal ass Israel; as nee eh bwoalley corneilyn Voab, as reill harrish ooilley cloan Sheth.

1 Samuel 10:27

Agh dooyrt cloan Velial, Kys nee ’n dooinney shoh shinyn y livrey? As hoie ad beg jeh, as cha dug ad lhieu gioot erbee huggey: agh cha lhig eh monney er.

1 Samuel 14:47

Myr shen ghow Saul yn reiltys harrish Israel, as ren eh caggey noi ooilley e noidyn er dy chooilley heu, noi Moab, as noi cloan Ammon, as noi Edom, as noi reeaghyn Zobah, as noi ny Philistinee: as cre-erbee yn raad hyndaa eh, hooar eh yn varriaght.

1 Samuel 22:3

As hie David veih shen gys Mizpeh ayns Moab, as dooyrt eh rish ree Voab, Lhig da my ayr as my voir, ta mee guee ort, cheet gys shoh, dy ve mêriu, derrey vees fys aym cre nee Jee er my hon.

1 Samuel 22:4

As hug eh lesh ad kiongoyrt rish ree Voab: as ren ad cummal mârish ooilley yn traa va David chea son sauchys.