2 Samuel 8:17 - Yn Vible Casherick 1775 1819

¹⁷ As Zadok mac Ahitub, as Ahimelech mac Abiathar, va ny saggyrtyn; as Seraiah va’n scrudeyr;

2 Samuel 8:17 ပူးပေါင်းရင်းမြစ်များ

2 Samuel 15:24

As cur-my-ner, va Zadok neesht, as ooilley ny Leviteyn mârish, gymmyrkey arg conaant Yee: as lhig ad sheese arg Yee; as hie Abiathar seose, derrey va ooilley’n pobble er n’gholl magh ass yn ard-valley.

2 Samuel 17:15

Eisht dooyrt Hushai rish Zadok as rish Abiathar ny saggyrtyn, Shoh, as lheid y choyrle shoh hug Ahitophel da Absalom, as da shanstyr Israel; as shoh, as myr shoh ta mish er choyrlaghey.

2 Samuel 19:12

Shiuish my vraaraghyn, shiuish my chraueyn, as my eill: cre’n-fa eisht ta shiuish yn vooinjer s’jerree dy gheddyn back y ree?

1 Reeaghyn 1:26

Agh mish, eer mish dty harvaant, as Zadok yn saggyrt, as Benaiah mac Jehoiada, as dty harvaant Solomon, cha vel eh er chuirrey.

2 Reeaghyn 12:10

As myr shen ve, tra honnick ad dy row mooarane argid ’sy chishtey, dy daink scrudeyr y ree as yn ard-saggyrt seose, as hug ad eh ayns sporranyn, as choont ad yn argid va ry-gheddyn ayns thie’n Chiarn.

2 Reeaghyn 18:18

As tra v’ad er n’eamagh gys y ree, haink magh huc Eliakim mac Hilkiah, va harrish y lught-thie, as Shebna yn scrudeyr, as Joah mac Asaph yn recorder.

1 Recortyssyn 12:28

As Zadok, dooinney aeg, niartal as dunnal, as jeh thie e ayrey daa chaptan as feed.

1 Recortyssyn 12:29

As jeh cloan Venjamin dy chynney Saul, three thousaneyn: son gys y traa shoh, va’n ayrn smoo jeu er lhiantyn gys reill thie Saul.

1 Recortyssyn 15:11

As deïe David er Zadok as Abiathar ny saggyrtyn, as er ny Leviteyn, er Uriel, Asaiah, as Joel, Shemaiah, as Eliel, as Amminadab.

1 Recortyssyn 16:39

As Zadok y saggyrt, as e vraaraghyn ny saggyrtyn, kiongoyrt rish cabbane-agglish y Chiarn, ayns yn ard-ynnyd v’ec Gibeon,

1 Recortyssyn 16:40

Dy hebbal ourallyn-losht gys y Chiarn er altar yn oural-losht kinjagh, moghrey as fastyr, as dy yannoo cordail rish ooilley ny ta scruit ayns leigh’n Chiarn, doardee eh da Israel:

1 Recortyssyn 18:16

As Zadok, mac Ahitub, as Ahimelech mac Abiathar, va ny saggyrtyn; as Shavsha yn scrudeyr.

1 Recortyssyn 6:4

Hooar Eleazar Phinehas, hooar Phinehas Abishua.

1 Recortyssyn 6:53

Zadok e vac-syn, Ahimaaz e vac-syn.

1 Recortyssyn 6:8

As hooar Ahitub Zadok, as hooar Zadok Ahimaaz,

1 Recortyssyn 9:11

As Azariah, mac Hilkiah, mac Meshullam, mac Zadok, mac Meraioth, mac Ahitub, fer-oik ayns thie Yee,

Ezra 7:2

Mac Shallum, mac Zadok, mac Ahitub,

Jeremiah 36:10

Eisht ren Baruch lhaih ass y lioar goan Yeremiah ayns thie yn Chiarn, ayns shamyr Ghemariah mac Shaphan y scrudeyr, ’sy chooyrt syrjey, liorish giat noa thie yn Chiarn, ayns clashtyn ooilley yn pobble.

Ezekiel 44:15

Agh ny saggyrtyn ny Leviteyn, mec Zadok, dreill currym yn ynnyd casherick, tra hie cloan Israel er-shaghryn voym, hig ad shoh er-gerrey dy yannoo shirveish dou, as nee adsyn shassoo kiongoyrt rhym dy hebbal dooys yn eeh, as yn uill, ta’n Chiarn Jee dy ghra.

Noo Mark 2:26

Kys hie eh stiagh ayns thie Yee, rish lhing Abiathar yn ard-saggyrt, as d’ee eh yn arran casherick, nagh row lowit dy ve eeit, agh liorish ny saggyrtyn, as hug eh eh myrgeddin dauesyn va mârish?