2 Samuel 8:15 - Yn Vible Casherick 1775 1819

¹⁵ As ren David reill harrish ooilley Israel, as ren David shirveish briwnys as cairys er ooilley e phobble.

2 Samuel 8:15 ပူးပေါင်းရင်းမြစ်များ

2 Samuel 15:3

As dooyrt Absalom rish, Hee’m dy vel dty chooish mie as cairagh: agh cha vel dooinney erbee fo’n ree dy choyrt clashtyn dhyt.

2 Samuel 20:23

Nish va Joab harrish slane sheshaght-caggee Israel; as va Benaiah mac Jehoiada harrish ny Cherethiteyn, as harrish ny Pelethiteyn;

2 Samuel 3:12

As hug Abner chaghteryn gys David ass e lieh, gra, Quoi s’liesh y cheer? gra myrgeddin, Jean coardail rhym, as cur-my-ner bee my laue mayrt, dy chur lesh ooilley Israel mygeayrt hood.

2 Samuel 5:5

Ayns Hebron ren eh reill harrish Judah shiaght bleeaney as shey meeaghyn; as ayns Jerusalem ren eh reill three bleeaney jeig as feed harrish ooilley Israel as Judah.

2 Samuel 8:14

As hug eh garrisonyn ayns Edom; trooid magh ooilley Edom hoie eh ad: as haink ooilley cummaltee Edom dy ve fo keesh da David. As ren y Chiarn David y choadey raad erbee dy jagh eh.

2 Samuel 8:16

As va Joab mac Zeruiah harrish y cheshaght-chaggee; as va Jehoshaphat mac Ahilud ard-chleragh ny lioaryn;

1 Reeaghyn 10:9

Bannit dy row’n Chiarn dty Yee, ghow taitnys aynyd, dy hoiaghey oo er stoyl-reeoil Israel: er-yn-oyr dy bynney lesh y Chiarn Israel er-dy-rieau, shen-y-fa ren eh ree jeed’s, dy chur briwnys as cairys.

1 Reeaghyn 4:1

Myr shen va ree Solomon ny ree er ooilley Israel.

1 Recortyssyn 18:14

Myr shoh ren David reill harrish ooilley Israel, rheynn briwnys as cairys kiart, er ooilley e phobble.

Psalmyn 119:121

Ta mee dellal ayns y chooish ta lowal as jeeragh: O ny faag mee fo pooar my hranlaasee.

Psalmyn 72:2

Eisht nee eh dty phobble y vriwnys cordail rish cairys: as nee eh ny boghtyn y endeil.

Psalmyn 75:2

Ta dt’ennym myrgeddin cha faggys: as shen ta dt’obbraghyn yindyssagh dy hoilshaghey.

Psalmyn 89:14

Ta roih niartal ayd: s’lajer ta dty laue’s, as ard ta dty laue yesh.

Isaiah 9:7

Er mooadys e reill as e hee cha bee jerrey, er stoyl-reeoil Ghavid, as er e reeriaght, dy oardrail eh, as dy niartaghey eh lesh briwnys as cairys, veih’n traa shoh magh eer son dy bragh. Graih jeean Chiarn ny flaunyssee nee shoh y chooilleeney.

Amos 5:15

Bee-jee dwoaiagh er yn olk, as aggindagh er y vie, as jean-jee briwnys y niartaghey ayns y yiat: foddee dy bee yn Chiarn Jee ny flaunyssee, graysoil da fooilliagh Yoseph.

Amos 5:24

Agh lhig da briwnys roie sheese myr ushtaghyn, as cairys myr thooilley niartal.

Hebrewnee 11:33

Ren trooid credjue yn varriaght y gheddyn harrish reeriaghtyn, dobbree ad cairys, hooar gialdynyn jeant mie daue, yeigh beïll lionyn,

1 Samuel 14:47

Myr shen ghow Saul yn reiltys harrish Israel, as ren eh caggey noi ooilley e noidyn er dy chooilley heu, noi Moab, as noi cloan Ammon, as noi Edom, as noi reeaghyn Zobah, as noi ny Philistinee: as cre-erbee yn raad hyndaa eh, hooar eh yn varriaght.