2 Samuel 8:14 - Yn Vible Casherick 1775 1819

¹⁴ As hug eh garrisonyn ayns Edom; trooid magh ooilley Edom hoie eh ad: as haink ooilley cummaltee Edom dy ve fo keesh da David. As ren y Chiarn David y choadey raad erbee dy jagh eh.

2 Samuel 8:14 ပူးပေါင်းရင်းမြစ်များ

Genesis 25:23

As dreggyr y Chiarn ee, Ta daa ashoon ayns dty vreïn, as bee daa horch dy leih er nyn scarrey veih dty veeghyn: as bee yn derrey phobble ny s’troshey na yn pobble elley: as nee yn fer shinney shirveish yn fer saa.

Genesis 27:29

Lhig da pobble uss y hirveish, as ashoonyn croymmey hood; bee uss chiarn harrish dty vraaraghyn, as lhig mec dty vayrey biallys ’chur dhyt: bee mollaght ersyn ta guee mollaght ort, as bee bannaght ersyn ta dy dty vannaghey.

2 Samuel 5:10

As hie David er e hoshiaght, as haink eh lesh dy mie; as va’n Chiarn Jee dy heshaght-flaunyss mârish.

2 Samuel 7:9

As va mish mayrt, raad erbee dy jagh oo, as ta mee er yiarey jeh ooilley dty noidyn ass dty hilley, as er choyrt dhyt ennym ooasle, goll-rish enmyn ny deiney mooarey t’er y thalloo.

2 Samuel 8:15

As ren David reill harrish ooilley Israel, as ren David shirveish briwnys as cairys er ooilley e phobble.

2 Samuel 8:6

Eisht hug David garrisonyn ayns Syria jeh Damascus: as haink ny Syrianee dy ve fo reill Ghavid, as v’ad fo keesh. As ren y Chiarn David y choadey raad erbee dy jagh eh.

1 Reeaghyn 11:15

Son haink eh gy-kione, tra va David ayns Edom, as dy row Joab captan y cheshaght ersooyl seose dy oanluckey ny merriu, lurg da ve er varroo dy chooilley vac dooinney ayns Edom;

1 Reeaghyn 22:47

Cha row ree erbee ayns Edom ec y traa shen: va deputy ny ree.

1 Reeaghyn 22:48

Va lhongyn ec Jehoshaphat veih Tharshish dy gholl gys Ophir son airh; agh cha jagh ad: son va ny lhongyn brisht ec Ezion-geber.

2 Reeaghyn 14:7

Varr eh jeh Edom jeih thousaneyn, ayns y ghlione-sollan, as ghow eh Selah ayns caggey, as ren eh genmys eh Joktheel, gys y laa t’ayn jiu.

2 Reeaghyn 18:7

As va’n Chiarn mârish; as cre-erbee ghow eh ayns laue haink eh lesh: as dirree eh magh noi ree Assyria, as dob eh dy eeck keesh da.

1 Recortyssyn 18:13

As hug eh garrisonyn ayns Edom; as haink ooilley ny Edomiteyn dy ve fo reill Ghavid. Myr shoh ren y Chiarn David y choadey raad erbee dy jagh eh.

Psalmyn 60:1

O Yee t’ou er hilgey shin magh, as er skeayley shin dy lhean: t’ou myrgeddin er ve jymmoosagh rooin; O chyndaa hooinyn reesht.