2 Samuel 8:10 - Yn Vible Casherick 1775 1819

¹⁰ Eisht hug Toi Joram e vac gys ree David, lesh bea as slaynt huggey, as dy ghoaill boggey mârish, son dy row eh er chaggey noi Hadadezer, as er varroo eh: (son va caggaghyn ec Hadadezer rish Toi:) as hug Joram lesh mârish siyn argid, as siyn airh, as siyn prashey:

2 Samuel 8:10 ပူးပေါင်းရင်းမြစ်များ

Genesis 43:27

As dênee eh jeu mychione nyn slaynt, as dooyrt eh, Vel nyn ayr dy mie, yn chenn ghooinney mychione va shiu loayrt? vel eh foast bio?

2 Samuel 8:11

Ad shoh ren David neesht y chasherickey da’n Chiarn, marish yn argid as yn airh v’eh er chasherickey veih dy chooilley ashoon v’eh er gheddyn y varriaght orroo;

2 Samuel 8:9

Tra cheayll Toi ree Hamath dy row David er woalley ooilley sheshaght-caggee Hadadezer,

1 Reeaghyn 1:47

As marish shen, haink sharvaantyn y ree dy vannaghey nyn jiarn ree David, gra, Dy jean Jee ennym Solomon ny s’ooasle na dty ennym’s, as dy jean eh yn stoyl-reeoil echeysyn ny s’troshey na’n stoyl-reeoil ayd’s: as chroym y ree eh hene er y lhiabbee, ooashlaghey.

1 Recortyssyn 18:10

Hug eh Hadoram e vac gys ree David lesh bea as slaynt huggey, as dy ghoaill boggey mârish, son dy row eh er chaggey noi Hadarezer, as er woalley eh, (son va Hadarezer er chaggey rish Tou) as er ghoaill veih dy chooilley horch dy hiyn airh, as argid, as prash.

2 Recortyssyn 32:23

As hug ymmodee lhieu ourallyn gys y Chiarn gys Jerusalem, as giootyn gys Hezekiah ree Yudah: myr shen dy row ard-soiagh jeant jeh ayns shilley dy chooilley ashoon, veih’n traa shen magh.

Psalmyn 129:8

Myr shen nagh vel adsyn ta goll shaghey wheesh as gra, Dy vannee yn Chiarn diu: aïgh mie diu ayns Ennym y Chiarn.

Isaiah 39:1

Ec y traa shen hug Merodach-baladan, mac Valadan ree Vabylon, screeunyn as cowrey gys Hezekiah: son cheayll eh dy row eh er ny ve ching, as er choural.

1 Samuel 13:10

As haink eh gy-kione, cha leah’s v’eh erreish chebbal yn oural-losht, cur-my-ner, haink Samuel, as hie Saul magh ny whail ayns ooashley da.