2 Samuel 7:9 - Yn Vible Casherick 1775 1819

⁹ As va mish mayrt, raad erbee dy jagh oo, as ta mee er yiarey jeh ooilley dty noidyn ass dty hilley, as er choyrt dhyt ennym ooasle, goll-rish enmyn ny deiney mooarey t’er y thalloo.

2 Samuel 7:9 ပူးပေါင်းရင်းမြစ်များ

Genesis 12:2

As jeed’s neem’s ashoon mooar, as nee’m oo y vannaghey, as nee’m dty ennym ooasle, as bee oo son bannaght.

2 Samuel 22:1

As ghow David gys y Chiarn goan yn arrane-moyllee shoh, er y laa va’n Chiarn er livrey eh ass laue ooilley e noidyn, as veih laue Saul.

2 Samuel 22:30

Son liort’s ta mee er vrishey trooid sheshaght dy gheiney-caggee: liorish my Yee ta mee er lheim harrish voalley.

2 Samuel 22:43

Eisht cha myn as joan y thallooin ren mee ad y woalley; myr laagh ny straidyn ren mee ad y stampey, as skeayley ad dy lhean.

2 Samuel 23:1

Nish ad shoh goan s’jerree Ghavid. Dooyrt David mac Jesse, as y dooinney v’er ny hroggal seose dy ard, as fer-ooilit Jee Yacob, as kiaulleyder millish Israel, dooyrt eh,

2 Samuel 5:10

As hie David er e hoshiaght, as haink eh lesh dy mie; as va’n Chiarn Jee dy heshaght-flaunyss mârish.

2 Samuel 8:13

As hooar David ard-ghoo da hene, tra hyndaa eh veih stroie hoght thousaneyn jeig jeh ny Syrianee ayns y choan-sollan.

2 Samuel 8:14

As hug eh garrisonyn ayns Edom; trooid magh ooilley Edom hoie eh ad: as haink ooilley cummaltee Edom dy ve fo keesh da David. As ren y Chiarn David y choadey raad erbee dy jagh eh.

2 Samuel 8:6

Eisht hug David garrisonyn ayns Syria jeh Damascus: as haink ny Syrianee dy ve fo reill Ghavid, as v’ad fo keesh. As ren y Chiarn David y choadey raad erbee dy jagh eh.

1 Recortyssyn 17:8

As ta mee er ve mayrt raad erbee dy vel oo er hooyl, as er yiarey jeh ooilley dty noidyn veih kiongoyrt rhyt, as er choyrt ennym dhyt, corrym rish ennym ny deiney mooarey ta er y theihll.

Psalmyn 21:6

Son ver uss dasyn maynrys dy bragh farraghtyn: as nee oo eh gennal lesh boggey dt’eddin.

Psalmyn 89:23

Cha bee yn noid abyl tranlaase y yannoo er: cha jean mac yn olkys aggair y yannoo da.

Noo Luke 1:52

T’eh er lhieggal sheese ny treanee veih nyn stuill-reeoil, as er hoiaghey seose ny imlee.

Joshua 6:27

Myr shoh va’n Chiarn marish Joshua; as hie goo jeh magh trooid ooilley yn cheer.

1 Samuel 18:14

As ren David gymmyrkey eh-hene dy creeney ayns ooilley e raaidyn: as va’n Chiarn mârish.

1 Samuel 18:30

Eisht hie princeyn ny Philistinee magh dy chaggey: as haink eh gy-kione, erreish daue v’er n’gholl magh, dy ren David gymmyrkey eh-hene ny s’dunnal na ooilley sharvaantyn Saul; myr shen dy row’n ennym echey dy mooar soit jeh.

1 Samuel 2:8

T’eh troggal seose y boght ass y joan, as goaill yn jeirkagh veih’n thorran, dy hoiaghey ad mastey princeyn as dy chur daue stoyl dy ghloyr son eiraght: son lesh y Chiarn ta pillaryn y thallooin, as t’eh er hoiaghey yn seihll orroo.

1 Samuel 31:6

Myr shoh hooar Saul baase, marish e hree mec, as e armyder, as ooilley ny deiney va mygeayrt-y-mysh myrgeddin, er y laa cheddin.

1 Samuel 5:10

Shen-y-fa hug ad arg Yee gys Ekron. As haink eh gy-kione, myr haink arg Yee gys Ekron, dy deïe ny Ekroniteyn magh, gra, T’ad er chur lhieu mygeayrt arg Yee Israel hooinyn, dy stroie shin as y pobble ain.