2 Samuel 7:8 - Yn Vible Casherick 1775 1819

⁸ Nish er-y-fa shen, myr shoh jir oo rish my harvaant David, Myr shoh ta’n Chiarn dy heshaght-flaunyss gra, Ghow mish oo veih ny bwoailtchyn keyrragh, veih goaill kiarail jeh ny kirree, dy ve fer-reill harrish my phobble Israel.

2 Samuel 7:8 ပူးပေါင်းရင်းမြစ်များ

2 Samuel 12:7

As dooyrt Nathan rish David, Oo-hene y dooinney shen. Myr shoh ta’n Chiarn Jee Israel dy ghra, Ren mish uss y ooilaghey dy ve dty ree harrish Israel, as livrey mee oo veih laue Saul;

2 Samuel 14:13

As dooyrt y ven, Cre’n-fa eisht t’ou hene er lhiggey da lheid y smooinaght goaill raad noi pobble Yee? son ta’n briwnys shoh jannoo’n ree hene foiljagh, fakin nagh vel y ree coyrt lesh thie eshyn ta ass e heer hene.

2 Samuel 23:1

Nish ad shoh goan s’jerree Ghavid. Dooyrt David mac Jesse, as y dooinney v’er ny hroggal seose dy ard, as fer-ooilit Jee Yacob, as kiaulleyder millish Israel, dooyrt eh,

2 Samuel 24:17

As loayr David rish y Chiarn, tra honnick eh yn ainle va stroie y pobble, as dooyrt eh, Cur-my-ner, mish t’er n’yannoo peccah, as s’mooar ta my loght: agh ny kirree shoh, cre t’adsyn er n’yannoo? Lhig da dty laue, ta mee guee ort, ve m’oï’s as noi thie m’ayrey.

2 Samuel 5:2

Myrgeddin roish nish, tra va Saul ny ree harrin, uss va ard-leeideilagh Israel: as dooyrt y Chiarn rhyt’s, Bee uss bochilley er my phobble Israel, as bee uss dty ard-chaptan harrish Israel.

2 Samuel 6:21

As dooyrt David rish Michal, Ve fenish y Chiarn, ren mish y reih roish dt’ayr, as roish ooilley e hie, dy phointeil mish my er-reill harrish pobble y Chiarn, harrish Israel: shen-y-fa neem’s cloie kiongoyrt rish y Chiarn.

1 Reeaghyn 3:6

As dooyrt Solomon, T’ou er hoilshaghey da dty harvaant David my ayr myghin mooar, myr ren eh gimmeeaght kiongoyrt rhyt’s ayns firrinys, as ayns cairys, as ayns ynrickys cree mayrt; as t’ou uss er reayll ny chour yn chenjallys vooar shoh, dy vel oo er choyrt mac da dy hoie er e stoyl-reeoil, myr te ’sy laa t’ayn jiu.

1 Reeaghyn 8:16

Er-dyn laa hug mee lhiam magh my phobble Israel ass Egypt, cha reih mee ard-valley erbee ass ooilley sheelogheyn Israel dy hroggal thie son my ennym dy ve ayn, agh reih mee David dy ve harrish my phobble Israel.

1 Recortyssyn 17:7

Nish er-y-fa shen, shoh myr jir oo rish my harvaant David, Myr shoh ta’n Chiarn dy heshaght-chaggee dy ghra, Ghow mee oo veih’n woaillee, veih bochillagh ny kirree, dy voddagh oo reill harrish my phobble Israel:

1 Recortyssyn 21:17

As dooyrt David rish Jee, Nagh nee mish hug sarey dy ghoaill earroo’n phobble? mish hene t’er n’yannoo’n peccah, as yn olk shoh; agh er son ny kirree shoh, cre t’adsyn er n’yannoo? lhig da dty laue, guee-ym ort, O Hiarn my Yee, ve orrym’s, as er thie m’ayrey; agh cha nee er dty phobble, dy beagh adsyn er nyn gerraghey.

Amos 7:15

As ghow yn Chiarn mee, myr deiyr mee er y chioltane, as dooyrt y Chiarn rhym, Immee, jean phadeyrys da my phobble Israel.

Jannoo 7:46

Eh hooar foayr ayns shilley Yee, as va aggindagh dy hroggal thie son Jee Yacob.

1 Samuel 10:1

Eisht ghow Samuel boteil dy ooil, as gheayrt eh eh er e chione, as phaag eh eh, as dooyrt eh, Nagh vel eh er-yn-oyr dy vel y Chiarn er dty ooilaghey dy ve captan harrish e eiraght?

1 Samuel 2:8

T’eh troggal seose y boght ass y joan, as goaill yn jeirkagh veih’n thorran, dy hoiaghey ad mastey princeyn as dy chur daue stoyl dy ghloyr son eiraght: son lesh y Chiarn ta pillaryn y thallooin, as t’eh er hoiaghey yn seihll orroo.

1 Samuel 9:16

Mairagh, mysh y traa shoh, ver-yms hood dooinney ass cheer Venjamin; as nee oo eshyn y ooilaghey dy ve captan er my phobble Israel, dy vod eh sauail my phobble ass laue ny Philistinee: son ta mee er yeeaghyn er my phobble, er-yn-oyr dy vel yn accan oc er jeet kiongoyrt rhym.