2 Samuel 7:3 - Yn Vible Casherick 1775 1819

³ As dooyrt Nathan rish y ree, Gow er dty hoshiaght, jean ooilley ny t’ayns dty chree: son ta’n Chiarn mayrt.

2 Samuel 7:3 ပူးပေါင်းရင်းမြစ်များ

2 Samuel 7:4

As haink eh gy-kione er yn oie cheddin dy daink goo’n Chiarn gys Nathan, gra,

1 Reeaghyn 1:8

Agh Zadok yn saggyrt, as Benaiah mac Jehoiada, as Nathan y phadeyr, as Shimei, as Rei, as ny ard-gheiney va lesh David, cha row ad lesh Adonijah.

2 Reeaghyn 4:27

As tra v’ee er jeet gys y dooinney dy Yee er y chronk, huitt ee sheese ec e chassyn: agh haink Gehazi er-gerrey dy choyrt voish ee. As dooyrt y dooinney dy Yee, Faag ee: ta’n annym eck seaghnit cheu-sthie j’ee; as ta’n Chiarn er cheiltyn shoh voym’s, as cha vel eh er n’insh dou.

1 Recortyssyn 22:7

As dooyrt David rish Solomon, My vac, ve ayns m’aigney’s dy hroggal thie gys ennym y Chiarn my Yee:

1 Recortyssyn 28:2

Eisht hass David y ree seose, as dooyrt eh, Eaisht-jee rhym, my vraaraghyn, as my phobble, Er my hon’s, ve ayns my chree dy hroggal thie dy shickyr son arg conaant y Chiarn, as son stoyl-choshey nyn Yee, as ren mee kiarail ro-laue son yn obbyr:

1 Recortyssyn 29:29

Nish, obbraghyn Ghavid y ree, toshiaght as jerrey, cur-my-ner, t’ad scruit ayns lioar Samuel y fakyder, as ayns lioar Nathan y phadeyr, as ayns lioar Ghad y phadeyr.

2 Recortyssyn 29:25

As hoie eh ny Leviteyn ayns thie yn Chiarn lesh cymballyn, lesh psaltereeyn, as claasaghyn, cordail rish sarey Ghavid, as Gad ashleyder y ree, as Nathan y phadeyr: son myr shoh va sarey’n Chiarn liorish e adeyryn.

Psalmyn 20:4

Dy der eh dhyt yeearree dty chree: as ooilley dt’aigney ’chooilleeney.

Psalmyn 37:4

Gow taitnys ayns y Chiarn: as ver eh dhyt yeearree dty chree.

1 Ean 2:27

Agh ta’n ooilaghey ta shiu er gheddyn veihsyn, tannaghtyn ayndiu: as cha vel feme eu dooinney erbee dy ynsaghey shiu: Agh myr ta’n ooilaghey cheddin gynsaghey shiu mychione dy chooilley nhee, as dy nee’n irriney eh, as cha nee breg: as dy jarroo myr t’eh er n’ynsaghey shiu, nee shiu tannaghtyn aynsyn.

1 Samuel 10:7

As hig eh gy-kione, tra hig ny cowraghyn shoh ort, dy jean uss gymmyrkey oo-hene myr vees feme rish; son ta Jee mayrt.

1 Samuel 14:7

As dooyrt yn armyder rish, Jean ooilley ny t’ayns dty chree; chyndaa raad sailt; cur-my-ner, ta mish mayrt cordail rish dty aigney.

1 Samuel 16:7

Agh dooyrt y Chiarn rish Samuel, Ny jeeagh er e eddin, ny cre cha thollee t’eh; son dy vel mee er n’obbal eh; son cha vel y Chiarn fakin, myr ta dooinney fakin; son ta dooinney briwnys cordail rish ny t’eh fakin, agh ta’n Chiarn fakin y cree.