2 Samuel 7:27 - Yn Vible Casherick 1775 1819

²⁷ Son t’ou uss, O Hiarn dy heshaghtyn niau, Yee Israel, er hoilshaghey da dty harvaant, gra, Neem’s dty hie y hroggal: shen-y-fa ta dty harvaant er ghoaill cree dy hebbal yn phadjer shoh hood.

2 Samuel 7:27 ပူးပေါင်းရင်းမြစ်များ

2 Samuel 7:11

As er-dyn traa hug mish sarey da briwnyn ve harrish my phobble Israel, as ta mee er choyrt fea dhyt’s veih ooilley dty noidyn.) Myrgeddin ta’n Chiarn ginsh dhyt, dy jean eh dty hie y hickyraghey.

2 Samuel 7:13

Nee eshyn thie y hroggal son my ennym, as neem’s soiaghey seose stoyl-reeoil e reeriaght dy ve foddey beayn.

1 Reeaghyn 11:38

As hig eh gy-kione, my nee oo geaishtagh rish ooilley ny ta mee dy harey dhyt, as my nee oo shooyl ayns my raaidyn, as jannoo shen ny ta cairagh ayns my hilley, dy reayll my lattyssyn as my annaghyn, myr ren David my harvaant; dy beem’s mayrt, as trog-ym dhyt thie shickyr, myr hrog mee da David, as ver-ym Israel dhyt.

Psalmyn 10:17

Brish uss pooar yn vee-chrauee as goanlyssagh: gow ersooyl yn vee-chraueeaght echey, nagh bee veg jeh ry-gheddyn.

Psalmyn 40:6

O Hiarn my Yee, s’mooar ta ny obbraghyn yindyssagh t’ou uss er n’yannoo, myr ta neesht dty smooinaghtyn hooinyn: as foast cha vel y dooinney shen oddys yn earroo oc y hoiaghey royd dy kiart.

Exodus 1:21

As haink eh gy-kione, er-yn-oyr dy row ny mraane-reaylt ayns aggle Yee, dy ren eh yn lught-thie oc y vannaghey.

Ruth 4:4

As va mee booiagh fys y ve ayd er, gra rhyt, Kionnee eh fenish ny cummaltee, as fenish shanstyr my phobble. My nee oo feaysley eh, jean shen; agh mannagh vel oo son feaysley eh, abbyr shen, dy vod fys’ve aym cree nee’m: son cha vel fer dy eaysley eh agh oo-hene; as ta mish dty yeï. As dooyrt eh, Neem’s feaysley eh.

1 Samuel 2:35

As trog-yms seose dou hene saggyrt firrinagh nee cooilleeney shen ny ta ayns my chree, as my aigney: as neem’s thie shickyr y hroggal da, as nee eh shirveish fenish my er-ooilit dy kinjagh.

1 Samuel 9:15

Nish va’n Chiarn er hoilshaghey da Samuel er-lheh, yn laa roish my daink Saul, gra,