2 Samuel 7:26 - Yn Vible Casherick 1775 1819

²⁶ As lhig da dty ennym v’er ny ghloyraghey son dy bragh, gra, Yn Chiarn dy heshaghtyn niau yn Jee harrish Israel: as lhig da thie dty harvaant David v’er ny niartaghey kiongoyrt rhyt.

2 Samuel 7:26 ပူးပေါင်းရင်းမြစ်များ

Genesis 17:18

As dooyrt Abraham, O dy bee Ishmael foddey beayn kiongoyrt rhyt?

2 Samuel 7:25

As nish, O Hiarn Yee, yn goo t’ou er loayrt mychione dty harvaant, as mychione e hie, jean eh y hickyraghey son dy bragh, as jean myr t’ou er ghra.

1 Reeaghyn 18:36

As haink eh gy-kione, ec traa chebbal yn oural-fastyr, dy daink Elijah yn phadeyr er-gerrey, as dooyrt eh, Hiarn Yee Abraham, Isaac, as Israel, lhig da ve er ny hoilshaghey er y laa jiu, dy vel uss y Jee ayns Israel, as dy nee mish dty harvaant, as dy vel mee er n’yannoo ooilley ny reddyn shoh ec dty ghoo.

1 Reeaghyn 18:37

Clasht rhym, O Hiarn, as cur dou clashtyn, dy vod fys ’ve ec y pobble shoh dy nee uss yn Chiarn Jee, as dy vel uss er hyndaa nyn greeaghyn mygeayrt reesht.

Psalmyn 115:1

Cha nee dooinyn, O Hiarn, cha nee dooinyn, agh da dt’Ennym cur yn moylley: son dty vyghin ghraihagh, as er coontey dt’ynrickys.

Psalmyn 61:7

Nee eh baghey fenish Yee son dy bragh: O kiare dty vyghin ghraihagh as dt’irriney, dy vod ad eh y choadey.

Psalmyn 89:36

Nee eh shassoo shickyr son dy bragh myr yn eayst: as myr yn feanish firrinagh ayns niau.

Noo Mian 6:9

Shen-y-fa er yn aght shoh gow-jee padjer: Ayr ain t’ayns niau, Casherick dy row dty ennym.

Noo Ean 12:28

Ayr, cur gloyr da dty ennym hene. Eisht haink coraa veih niau, gra, Ta mee hannah er ghloyraghey eh, as nee’m eh y ghloyraghey reesht.