2 Samuel 7:25 - Yn Vible Casherick 1775 1819

²⁵ As nish, O Hiarn Yee, yn goo t’ou er loayrt mychione dty harvaant, as mychione e hie, jean eh y hickyraghey son dy bragh, as jean myr t’ou er ghra.

2 Samuel 7:25 ပူးပေါင်းရင်းမြစ်များ

Genesis 32:12

As dooyrt uss, Neem’s son shickyrys foayr y hoilshaghey dhyt, as jannoo dty luight myr genniagh y traie, nagh vod ve er ny earroo.

2 Samuel 7:24

Son t’ou er niartaghey dhyt hene dty phobble Israel, dy ve lhiat hene son dy bragh: as t’ou uss, Hiarn, er jeet dy ve yn Jee oc.

2 Samuel 7:26

As lhig da dty ennym v’er ny ghloyraghey son dy bragh, gra, Yn Chiarn dy heshaghtyn niau yn Jee harrish Israel: as lhig da thie dty harvaant David v’er ny niartaghey kiongoyrt rhyt.

1 Reeaghyn 2:4

Dy vod y Chiarn e ghoo y yannoo mie, loayr eh my-mychione’s, gra, My ver dty chloan tastey da nyn raad, dy immeeaght kiongoyrt rhym’s ayns firrinys, lesh ooilley nyn gree as lesh ooilley nyn annym, cha bee oo laccal (as eshyn,) dooinney dy hoie er stoyl-reeoil Israel.

1 Reeaghyn 8:26

As nish, O Yee Israel, lhig da dty ghoo, ta mee guee ort, ve er ny chooilleeney ren oo loayrt rish dty harvaant David my ayr.

2 Recortyssyn 6:17

Nish er-y-fa shen, O Hiarn Yee Israel, lhig da dty ghoo ve jeant mie, t’ou er loayrt rish dty harvaant David.

Psalmyn 119:38

O niartee dty ghoo ayns dty harvaant: dy voddyms aggle y ghoaill royd.

Psalmyn 119:49

O smooinee er dty harvaant cordail rish dty ghoo: ayn t’ou er choyrt orrym dy chur my hreishteil.

Ezekiel 36:37

Myr shoh ta’n Chiarn Jee dy ghra, Nee thie Israel foast shirrey hym dy yannoo shen er nyn son; nee’m adsyn y vishaghey lesh deiney myr shioltane.

1 Samuel 1:23

As dooyrt Elkanah e sheshey r’ee, Jean dt’aigney; fuirree derrey vees oo er harbaa eh; as dy jean y Chiarn yn goo echey hene ’chooilleeney. Myr shen duirree’n ven, as hug ee keeagh da e mac, derrey v’eh charbaït.