2 Samuel 7:24 - Yn Vible Casherick 1775 1819

²⁴ Son t’ou er niartaghey dhyt hene dty phobble Israel, dy ve lhiat hene son dy bragh: as t’ou uss, Hiarn, er jeet dy ve yn Jee oc.

2 Samuel 7:24 ပူးပေါင်းရင်းမြစ်များ

Genesis 17:7

As nee’m my chonaant y niartaghey eddyr mish as uss, as dty luight dty yeï, ayns ny sheelogheyn oc, son conaant dy bragh farraghtyn, dy ve my Yee dhyt’s as da dty luight dty yeï.

Genesis 17:8

As ver-yms dhyt’s, as da dty luight dty yeï, yn cheer raad t’ou dty yoarree, ooilley cheer Chanaan, son cummal foddey beayn; as beem’s yn Jee oc.

2 Samuel 7:23

As cre’n ashoon shen ’sy theihll ta goll-rish dty phobble, eer goll-rish Israel, adsyn ren Jee y livrey son pobble da hene, dy yannoo da hene ennym gloyroil, as dy yannoo er ny son oc reddyn mooar as atchimagh, son y cheer ayd, roish dty phobble, t’ou er veaysley veih Egypt, veih ny ashoonyn as ny jeeghyn oc?

2 Samuel 7:25

As nish, O Hiarn Yee, yn goo t’ou er loayrt mychione dty harvaant, as mychione e hie, jean eh y hickyraghey son dy bragh, as jean myr t’ou er ghra.

1 Recortyssyn 17:22

Son t’ou er n’ghoaill dty phobble Israel dy ve pobble dhyt hene son dy bragh; as haink uss Hiarn, dy ve nyn Yee.

Exodus 15:2

Ta’n Chiarn my niart as my arrane, hug eh dou livrey-ys: eshyn my Yee, as trog-yms cummal casherick da; Jee my ayraghyn, as ver-ym ooashley da.

Exodus 6:7

As goym shiu son pobble dou hene, as beem’s my Yee diuish: as bee fys eu, dy nee mish y Chiarn y Jee euish, ta coyrt livrey-ys diu veih bondiaght ny Egyptianee.

Isaiah 12:2

Cur-my-ner, ta Jee my haualtys; nee’m treishteil, as cha goym aggle; son ta’n Chiarn Jehovah my niart as my arrane, t’eh myrgeddin er jeet dy ve my haualtys.

Jeremiah 31:1

Ec y traa cheddin, ta’n Chiarn dy ghra, beem’s Jee ooilley kynneeyn Israel, as bee adsyn my phobble’s.

Jeremiah 31:33

Agh shoh vees y conaant neem’s rish thie Israel; Lurg ny laghyn shen, ta’n Chiarn dy ghra, ver-yms my leigh er cheu-sthie jeu, as scrieu-yms eh er nyn greeaghyn; as beem’s yn Jee oc, as bee adsyn my phobble’s.

Jeremiah 32:38

As bee adsyn yn pobble aym’s, as beem’s yn Jee ocsyn:

Hosea 1:10

Ny-yeih bee earroo cloan Israel myr genniagh ny marrey, nagh vod ve er ny howse, ny er ny choontey; as hig eh gy-kione, ’syn ynnyd ayn ve er ny ghra roo, Cha nee shiuish yn pobble aym’s, dy nee ayns shen bee eh graït roo, Shiuish mec y Jee bio.

Zechariah 13:9

As ver-ym lhiam yn trass ayrn trooid yn aile, as nee’m ad y ghlenney myr ta arroo er ny ghlenney, as nee’m ad y phrowal myr ta airh er ny phrowal: as nee ad geamagh er my ennym’s, as nee’m ad y chlashtyn: as jir-ym, T’adsyn my phobble: as jir adsyn, Ta’n Chiarn my Yee.

Noo Ean 1:12

Agh whilleen as ren soiaghey jeh, dauesyn hug eh pooar dy ve nyn mec dy Yee, eer dauesyn ta credjal ayns yn ennym echey:

Deuteronomy 26:18

As ta’n Chiarn er ghoaill rhyt’s jiu, dy ve yn pobble reiht echey hene, myr yiall eh dhyt, as dy vreillagh oo ooilley e oardaghyn:

Deuteronomy 27:9

As loayr Moses, as ny saggyrtyn ny Leviteyn rish ooilley Israel, gra, Gow tastey, as eaisht, O Israel; yn laa jiu t’ou er jeet dy ve pobble y Chiarn dty Yee.

Deuteronomy 32:6

Nee shoh myr ta shiu dy chooilleeney’n Chiarn, O phobble ommijagh, as mee-cheeayllagh? nagh nee eshyn dty ayr ren dty chionnaghey? nagh nee eshyn ren dty chroo, as dty niartaghey?

1 Peddyr 2:10

Ayns traa dy row nagh nee pobble va shiu, agh ta shiu nish pobble Yee: nagh row er gheddyn myghin, agh ta shiu nish er gheddyn myghin.