2 Samuel 7:22 - Yn Vible Casherick 1775 1819

²² Shen-y-fa, s’mooar t’ou uss, O Hiarn Yee: son cha vel fer erbee casley rhyt, chamoo cheu-mooie jeed’s ta Jee erbee elley, cordail rish ooilley ny ta shin er chlashtyn lesh nyn gleayshyn.

2 Samuel 7:22 ပူးပေါင်းရင်းမြစ်များ

2 Samuel 22:32

Son quoi ta’n Jee, agh y Chiarn? as quoi ta’n chreg, agh y Jee ainyn?

1 Reeaghyn 8:23

As dooyrt eh, Hiarn Yee Israel, cha vel Jee erbee casley rhyt’s ayns niau heose, ny er y thalloo wass, ta freayll conaant as myghin rish dty harvaantyn ta shooyl kiongoyrt rhyt lesh ooilley nyn gree;

1 Recortyssyn 16:25

Son s’mooar ta’n Chiarn, as dy mooar dy ve er ny voylley: ta aggle dy ve goit roish erskyn dy chooilley Yee.

2 Recortyssyn 2:5

As s’mooar y thie ta mee kiarail dy hroggal: son s’mooar ta’n Jee ain erskyn dy chooilley Yee.

Psalmyn 135:5

Son ta fys aym dy vel y Chiarn mooar: as dy vel y Chiarn ainyn erskyn dy chooilley yee.

Psalmyn 145:3

S’mooar ta’n Chiarn, as yindyssagh, feeu dy v’er ny voylley: ta’n mooadys echey erskyn roshtyn nyn dushtey.

Psalmyn 44:1

Ta shin er chlashtyn lesh nyn gleayshyn, O Yee, ta nyn ayraghyn er n’insh dooin: cre ny obbraghyn ren uss ayns y traa ocsyn ’sy chenn earish;

Psalmyn 48:1

Mooar ta’n Chiarn, as dy ard dy v’er ny voylley: ayns ard-valley yn Jee ain, dy jarroo er e chronk chasherick.

Psalmyn 86:10

Son t’ou uss ard, as jannoo reddyn yindyssagh: uss yn ynrycan Jee.

Psalmyn 86:8

Mastey ny Jeeghyn cha vel unnane erbee casley rhyt’s, O Hiarn: cha vel unnane oddys jannoo myr t’ou uss dy yannoo.

Psalmyn 89:6

Son quoi eh erskyn ny bodjallyn: vees er ny hoylaghey rish y Chiarn?

Psalmyn 89:8

Ta aggle feer vooar dy v’er ny ghoaill roish Jee ayns chaglym-cooidjagh ny nooghyn: as ta arrym dy ve er ny choyrt da lioroosyn ooilley ta mygeayrt-y-mysh.

Psalmyn 96:4

Son ta’n Chiarn mooar, as cha vod eh dy feeu ’ve er ny voylley: ta ny smoo dy aggle dy ve goit roishyn na dy chooilley Yee.

Exodus 10:2

As dy vod uss ginsh ayns clashtyn dty vac, as cloan dty chlienney, cre ny reddyn yindyssagh ta mee er n’obbraghey ayns Egypt, as my chowraghyn ta mee er hoilshaghey ny mast’ oc, dy vod fys ’ve euish, dy nee mish y Chiarn.

Exodus 15:11

Quoi ta casley rhyt’s, O Hiarn, mastey ny jeeghyn! quoi ta casley rhyt, gloyroil ayns casherickys, ta moylley cair dhyt lesh arrym, uss ta gobbraghey mirrilyn?

Exodus 8:10

As dooyrt eshyn, Mairagh. As dooyrt eh, Dy row eh myr t’ou gra: dy vod fys ’ve ayd’s, nagh vel unnane erbee goll-rish y Chiarn y Jee ain.

Exodus 8:6

As ren Aaron e laue y heeyney magh harrish ushtaghyn Egypt; as haink ny froggyn seose, as choodee ad thalloo Egypt.

Exodus 9:14

Son ver-yms ec y traa shoh ooilley my ghourinyn er dty chree, as er dty harvaantyn, as er dty phobble, dy vod oo toiggal nagh vel my lheid’s ayns ooilley yn seihll.

Isaiah 40:18

Quoi rish eisht nee shiu Jee y hoylaghey, ny cre’n caslys ver shiu da?

Isaiah 40:25

Quoi rish eisht nee shiu m’y hoylaghey? ny quoi rish nee shiu m’y chormal? ta’n Jee casherick dy ghra.

Isaiah 45:18

Son myr shoh ta’n Chiarn dy ghra chroo ny niaughyn, Jee hene ren y thalloo y chummey as chroo eh, t’eh er hickyraghey eh, cha chroo eh eh ayns fardail, ren eh cummey eh cour cummaltee; mish y Chiarn, as cha vel Jee erbee elley.

Isaiah 45:22

Jeeagh-jee hym’s, as bee-jee er nyn sauail, ooilley shiuish ardjyn y theihll; son mish Jee, as cha vel Jee erbee elley.

Isaiah 45:5

Mish y Chiarn, as cha vel Jee erbee elley agh mish: ren mee dty niartaghey, ga nagh vel oo er choyrt enney orrym;

Ezekiel 36:22

Shen-y-fa abbyr rish thie Israel, Myr shoh ta’n Chiarn Jee dy ghra, Cha vel mee jannoo shoh er y ghraih euish, O hie Israel, agh er graih my ennym’s casherick hene, t’er ny oltooan by-chyndagh riuish, mastey ny ashoonee, raad jimmee shiu.

Ezekiel 36:32

Lhig da fys ’ve eu nagh nee er y ghraih euish ta mee jannoo shoh, ta’n Chiarn Jee dy ghra: gow-jee nearey, as bee-jee nyn dhost son ny raaidyn eu hene, O hie Israel.

Daniel 2:45

Son wheesh as dy vaik oo, dy row yn clagh cleiyt ass y clieau gyn laueyn, as dy vrish eh ayns peeshyn yn yiarn, y phrash, y chray, yn argid, as yn airh; ta’n Jee mooar er hoilshaghey da’n ree, cre hig gy-kione ny lurg shoh: as ta’n dreamal firrinagh, as y bun t’er shickyr.

Micah 7:18

Quoi ta ny Yee casley rhyt’s, ta leih mee-chairys, as maih’ghey yn shaghrynys ocsyn ta er-mayrn ayns e eiraght? cha vel eh freayll e chorree son dy bragh, er-yn-oyr dy vel eh goaill taitnys ayns myghin.

Deuteronomy 3:24

O Hiarn Yee, t’ou er n’yannoo toshiaght dy hoilshaghey da dty harvaant dty phooar, as dty laue niartal: son quoi’n Jee, edyr ayns niau ny er y thalloo, oddys jannoo cordail rish dty obbraghyn, as cordail rish dty niart?

Deuteronomy 32:39

Jeeagh-jee nish, dy nee mish, eer mish ny-lomarcan eh, as cha vel ayn jee erbee mârym: mish ta coyrt baase, as bioys; mish ta coyrt chingys, as slaynt: chamoo ta fer erbee oddys livrey ass my laue.

Deuteronomy 4:35

Dhyt’s ve er ny hoilshaghey, dy voddagh tushtey ’ve ayd, dy nee’n Chiarn ta Jee; cheu-mooie jeh hene cha vel Jee erbee.

Deuteronomy 4:39

Toig, er-y-fa shen yn laa shoh, as gow gys dty chree, dy vel yn Chiarn ny Yee ayns niau heose, as er y thalloo wass: cha vel Jee erbee elley.

1 Samuel 2:2

Cha vel fer erbee casherick myr y Chiarn: son cha vel Chiarn erbee elley; chamoo ta creg erbee myr y Jee ain.