2 Samuel 7:2 - Yn Vible Casherick 1775 1819

² Dy dooyrt y ree rish Nathan y phadeyr, Cur-my-ner, ta mish nish baghey ayns thie cedar, agh ta arg Yee er ny reayll ayns cabbane fo curtanyn.

2 Samuel 7:2 ပူးပေါင်းရင်းမြစ်များ

2 Samuel 11:11

As dooyrt Uriah rish David, Ta’n arg, as Israel, as Judah fo cabbaneyn, as ta my hiarn Joab, as sharvaantyn my hiarn, nyn lhie ayns camp fud y vagheragh: jem’s eisht gys my hie dy ee as dy iu, as dy yannoo sheshaght rish my ven? myr t’ou uss bio, as myr ta dt’annym bio, cha jean-ym lheid y red.

2 Samuel 12:1

As hug y Chiarn Nathan gys David, As haink eh huggey, as dooyrt eh rish, Va daa ghooinney ’syn un ard-valley; yn derrey yeh berchagh, as y jeh elley boght.

2 Samuel 5:11

As hug Hiram ree Tyre chaghteryn gys David, as biljyn-cedar, as seyir, as masoonee; as hrog ad thie da David.

2 Samuel 6:17

As hug ad lhieu arg y Chiarn stiagh, as hoie ad eh ayns e ynnyd, ayns mean y chabbane-agglish va David er hroggal er y hon: as heb David ourallyn-losht as ourallyn-shee fenish y Chiarn.

2 Samuel 7:17

Cordail rish ooilley ny goan shoh, as cordail rish ooilley’n ashlish shoh, myr shoh loayr Nathan rish David,

1 Reeaghyn 1:22

As cur-my-ner, choud as v’ee foast loayrt rish y ree, haink Nathan y phadeyr stiagh.

1 Reeaghyn 1:8

Agh Zadok yn saggyrt, as Benaiah mac Jehoiada, as Nathan y phadeyr, as Shimei, as Rei, as ny ard-gheiney va lesh David, cha row ad lesh Adonijah.

1 Reeaghyn 4:5

As va Azariah mac Nathan harrish ny fir-oik; as Zabud mac Nathan va’n ard fer-oik, as carrey’n ree;

1 Reeaghyn 8:17

As ve ayns cree Ghavid my ayr dy hroggal thie son ennym y Chiarn Jee Israel.

1 Recortyssyn 14:1

Nish hug Hiram ree Tyre chaghteryn gys David, as fuygh-cedar, marish masoonee, as seyir, dy hroggal thie da.

1 Recortyssyn 16:1

Myr shen hug ad lhieu arg Yee, as hoie ad eh ayns mean y chabbane va David er hroggal er e hon: as heb ad ourallyn-losht, as ourallyn-shee kiongoyrt rish Jee.

1 Recortyssyn 22:7

As dooyrt David rish Solomon, My vac, ve ayns m’aigney’s dy hroggal thie gys ennym y Chiarn my Yee:

1 Recortyssyn 29:29

Nish, obbraghyn Ghavid y ree, toshiaght as jerrey, cur-my-ner, t’ad scruit ayns lioar Samuel y fakyder, as ayns lioar Nathan y phadeyr, as ayns lioar Ghad y phadeyr.

2 Recortyssyn 1:4

Agh arg Yee va David er chur lesh eh seose veih Kirjath-jearim, gys y voayl va David er n’yannoo aarloo er e hon: son v’eh er hoiaghey seose cabbane er e hon ec Jerusalem.

2 Recortyssyn 29:25

As hoie eh ny Leviteyn ayns thie yn Chiarn lesh cymballyn, lesh psaltereeyn, as claasaghyn, cordail rish sarey Ghavid, as Gad ashleyder y ree, as Nathan y phadeyr: son myr shoh va sarey’n Chiarn liorish e adeyryn.

2 Recortyssyn 9:29

Nish yn chooid elley dy obbraghyn Solomon, toshiaght as jerrey, nagh vel ad scruit ayns lioar Nathan y phadeyr, as ayns phadeyrys Ahijah yn Shilonite, as ayns ashlishyn Iddo yn fakyder, noi Jeroboam mac Nebat?

Psalmyn 132:2

Kys ren eh breearrey gys y Chiarn: as gialdyn casherick y yannoo da Jee Ooilley-niartal Yacob.

Psalmyn 132:5

Derrey yioym magh boayl son chiamble y Chiarn: ynnyd-vaghee son Jee niartal Yacob.

Exodus 40:21

As hug eh lesh yn arg stiagh ’sy chabbane-agglish, as hug eh seose yn curtan-coodee, as choodee eh arg y leigh; myr hug y Chiarn sarey da Moses.

Haggai 1:4

Nee shoh traa diuish, O gheiney, dy chummal ayns ny thieyn ceilit eu, as y thie shoh lhie ny hraartys?

Noo Ean 2:17

As chooinee e ynseydee dy row eh scruit, Ta graih jeean dty hie er my chur mow.

Jannoo 7:46

Eh hooar foayr ayns shilley Yee, as va aggindagh dy hroggal thie son Jee Yacob.