2 Samuel 7:18 - Yn Vible Casherick 1775 1819

¹⁸ Eisht hie ree David stiagh, as hoie eh fenish y Chiarn, as dooyrt eh, Quoi mish, O Hiarn Yee? as cre ta my hie, dy vel oo er my hroggal gys shoh?

2 Samuel 7:18 ပူးပေါင်းရင်းမြစ်များ

Genesis 32:10

Cha vel mish feeu jeh’n ayrn sloo jeh ooilley ny myghinyn, as jeh ooilley yn chenjallys ynrick t’ou er hoilshaghey da dty harvaant: son cha row aym agh my lorg tra hie mee harrish yn Jordan shoh, as nish ta mee er jeet dy ve daa heshaght vooar.

Genesis 32:11

Livrey mee, ta mee guee ort, veih laue my vraar, veih laue Esau: son ta mee goaill aggle roish, dy jig eh as dy stroie eh mish, as y voir marish y chloan.

2 Samuel 23:5

Ga nagh vel my hie’s agh fardalagh roish Jee; ny-yeih t’eh er n’yannoo rhym conaant beayn, er ny oardrail dy kiart as dy shickyr ayns dy chooilley nhee: son aynsyn ta my haualtys, as ooilley my yeearree, ga nagh jig eh chelleeragh.

2 Samuel 7:17

Cordail rish ooilley ny goan shoh, as cordail rish ooilley’n ashlish shoh, myr shoh loayr Nathan rish David,

1 Recortyssyn 17:16

As haink David y ree, as hoie eh kiongoyrt rish y Chiarn, as dooyrt eh, Quoi mish, O Hiarn Yee, as cre ta my hie, dy vel oo er n’yannoo wheesh er my hon?

1 Recortyssyn 29:14

Agh quoi mish, as cre ta my phobble, dy vel fort ain dy hebbal lesh creeaghyn cha arryltagh er yn aght shoh? son voïd’s ta dy chooilley nhee, as jeh dty chooid hene, ta shin er jebbal dhyt’s.

Psalmyn 8:4

Cre ta dooinney, dy vel oo aggindagh er: as mac y dooinney dy vel oo jeeaghyn er?

Exodus 3:11

As dooyrt Moses rish Jee, Quoi mish, dy raghin’s gys Pharaoh, as cloan Israel y leeideil magh ass Egypt.

Isaiah 37:14

As ghow Hezekiah yn screeuyn veih laue ny chaghteryn, as lhaih eh eh: as hie Hezekiah seose gys thie yn Chiarn, as skeayl eh eh kiongoyrt rish y Chiarn.

Ephesianee 3:8

Dooys, ta’n fer sloo jeh ooilley ny nooghyn, ta’n ghrayse shoh er ny choyrt, dy beign’s dy phreacheil mastey ny Ashoonyn-quaagh berchys Chreest nagh vod ve ronsit magh;

Briwnyn 6:15

As dooyrt eh rish, Oh my Hiarn, kys neem’s Israel y hauail? cur-my-ner, cha vel my chynney’s agh faase ayns Manasseh, as mish s’fardalee ta ayns thie m’ayrey.

Ruth 2:10

Eisht chroym ee sheese lesh e eddin gys y thalloo, as dooyrt ee rish, Kys te dy vel mee er gheddyn yn foayr shoh ayns dty hilley, dy vel oo er ghoaill tastey jeem’s, nagh vel agh joarree?

1 Samuel 15:17

As dooyrt Samuel, Tra v’ou imlee ayns dty hooillyn hene, nagh r’ou jeant yn ard-chaptan er tribeyn Israel, as ren y Chiarn uss y ooilaghey dy ve dty ree harrish Israel?

1 Samuel 18:18

As dooyrt David rish Saul, Quoi mish? as cre ta my vea, ny lught-thie m’ayrey ayns Israel, dy beign mac-’sy-leigh yn ree?

1 Samuel 9:21

As dreggyr Saul as dooyrt eh, Nagh nee Benjamite mee, jeh’n tribe sloo coontit ayns Israel? as nagh vel my chynney’s ny s’fardalee na ooilley kynneeyn tribe Venjamin? cre’n-fa eisht t’ou loayrt rhym’s er yn aght shoh?