2 Samuel 7:12 - Yn Vible Casherick 1775 1819

¹² As tra vees dty laghyn ec kione, as oo-hene cadley marish dt’ayraghyn, neem’s dty luight y hoiaghey seose dty yeï, hig magh ass dty veeghyn, as neem’s y reeriaght echeysyn y niartaghey.

2 Samuel 7:12 ပူးပေါင်းရင်းမြစ်များ

Genesis 15:4

As cur-my-ner, haink goo yn Chiarn huggey, gra, Cha bee eh shoh dty eirey, agh eshyn hig veih dty veeghyn hene vees dty eirey.

2 Samuel 22:51

Eshyn yn toor dy haualtys son e ree; as t’eh soilshaghey myghin da e er-ooilit, da David, as da e luight er son dy bragh.

1 Reeaghyn 1:21

Er aght elley, hig eh gy-kione, tra nee my hiarn y ree cadley marish e ayraghyn, dy beem’s as my vac Solomon coontit myr noidyn.

1 Reeaghyn 1:48

As dooyrt y ree ny-sodjey, Bannit dy row’n Chiarn Jee dy Israel, t’er choyrt fer dy hoie er my stoyl-reeoil jiu, my hooillyn hene eer jeeaghyn er.

1 Reeaghyn 2:1

Nish hayrn laghyn David er-gerrey dy row eh dy gheddyn baase: as hug eh currym er Solomon e vac, gra,

1 Reeaghyn 2:10

Myr shen ren David cadley marish e ayraghyn, as v’eh oanluckit ayns ard-valley Ghavid.

1 Reeaghyn 2:4

Dy vod y Chiarn e ghoo y yannoo mie, loayr eh my-mychione’s, gra, My ver dty chloan tastey da nyn raad, dy immeeaght kiongoyrt rhym’s ayns firrinys, lesh ooilley nyn gree as lesh ooilley nyn annym, cha bee oo laccal (as eshyn,) dooinney dy hoie er stoyl-reeoil Israel.

1 Reeaghyn 5:5

As cur-my-ner, ta mee kiarail thie y hroggal gys ennym y Chiarn my Yee, myr loayr y Chiarn rish David my ayr, gra, Nee dty vac neem’s y hoiaghey er dty stoyl-reeoil ayns dty ynnyd thie y hroggal gys my ennym.

1 Reeaghyn 8:15

As dooyrt eh, Bannit dy row’n Chiarn Jee Israel, loayr lesh e veeal rish David my ayr, as ta lesh e laue er chooilleeney eh, gra,

1 Reeaghyn 8:19

Ny-yeih, cha nee uss hroggys y thie, agh dty vac hig jeed, eshyn nee’n thie y hroggal gys my ennym’s.

1 Reeaghyn 8:20

As ta’n Chiarn er chooilleeney e ghoo ren e loayrt; as ta mish er n’irree seose ayns ynnyd Ghavid my ayr, as soie er stoyl-reeoil Israel, myr yiall y Chiarn, as er hroggal thie son ennym yn Chiarn Jee Israel.

1 Reeaghyn 9:5

Eisht neem’s stoyl-reeoil dty reeriaght er Israel y niartaghey son dy bragh, myr ren mee gialdyn da David dt’ayr, gra, Cha bee oo laccal dooinney dy hoie er stoyl-reeoil Israel.

2 Reeaghyn 8:19

Cha jinnagh y Chiarn foast Judah y stroie er graih Ghavid e harvaant, myr v’eh er yialdyn dy choyrt soilshey kinjagh da hene, as da e chloan.

1 Recortyssyn 17:11

As hig eh gy-kione, tra, vees jerrey er dty laghyn, as dy bee oo er dty haglym gys dty ayraghyn, dy drog-ym seose dty luight dty yeï, hig jeh dty vec; as neem’s y reeriaght echeysyn y hickyraghey.

2 Recortyssyn 1:9

Nish, O Hiarn Yee, lhig da dty yialdinys da David m’ayr ve er ny chooilleeney: son t’ou er n’yannoo mish my ree harrish pobble, myr joan ny hooirey ayns earroo.

2 Recortyssyn 13:5

Nagh lhisagh toiggal ’ve eu dy dug y Chiarn, Jee Israel, yn reeriaght harrish Israel da David son dy bragh, dy jarroo dasyn as da e vec liorish conaant saillit?

2 Recortyssyn 21:7

Ny-yeih, cha nee aigney yn Chiarn ve dy stroie thie Ghavid, kyndagh rish y chonaant v’eh er n’yannoo rish David; as myr yiall eh dy choyrt soilshey dasyn, as da e vec son dy bragh.

2 Recortyssyn 23:3

As ren ooilley’n pobble conaant y yannoo rish y ree ayns thie Yee; as dooyrt eh roo, Cur-my-ner, mac y ree nee reill, myr ta’n Chiarn er ghra mychione mec Ghavid.

2 Recortyssyn 6:15

Oo t’er vreayll da dty harvaant David m’ayr, shen ny yiall oo da; as loayr oo lesh dty veeal, as er chooilleeney eh lesh dty laue, myr te yn laa jiu.

2 Recortyssyn 6:9

Ny-yeih, cha nee uss hroggys y thie, agh dty vac hig jeed, eshyn nee’n thie y hroggal son m’ennym.

Psalmyn 89:29

Freill-ym my vyghin er e hon son dy bragh: as shassee my chonaant shickyr mârishyn.

Isaiah 11:10

As ayns y laa shen vees fraue jeh Jesse, nee shassoo son cullee da’n pobble: huggey nee ny ashoonee chionney stiagh: as bee yn fea echey gloyroil.

Isaiah 9:7

Er mooadys e reill as e hee cha bee jerrey, er stoyl-reeoil Ghavid, as er e reeriaght, dy oardrail eh, as dy niartaghey eh lesh briwnys as cairys, veih’n traa shoh magh eer son dy bragh. Graih jeean Chiarn ny flaunyssee nee shoh y chooilleeney.

Jeremiah 33:17

Son shoh myr ta’n Chiarn dy ghra, Cha bee David dy bragh laccal dooinney dy hoie er stoyl-reeoil thie Israel;

Daniel 12:2

As nee ymmodee jeusyn, ta cadley ayns joan ny hooirey, doostey, paart gys bea dy bragh farraghtyn, as paart gys nearey as oltooan dy bragh farraghtyn.

Noo Mian 1:1

Lioar sheeloghe Yeesey Creest, mac Ghavid, mac Abraham.

Noo Luke 1:32

Bee eshyn cronnal, as enmyssit Mac yn Er-syrjey; as ver y Chiarn Jee dasyn stoyl-reeoil e ayr David.

Noo Luke 24:27

As goaill toshiaght ec Moses, as ooilley ny phadeyryn, hug eh bun daue er ooilley ny scriptyryn jeh dy chooilley nhee va bentyn rish hene.

Jannoo 13:36

Son erreish da David rish e lhing hene v’er hirveish aigney Yee, huitt eh ny chadley, as v’eh er ny oanluckey marish e ayraghyn, as honnick eh loauid:

Jannoo 2:30

Shen-y-fa myr v’eh ny adeyr as fys echey dy row Jee er ghialdyn lesh breearrey da, jeh sluight e veeghyn, lurg yn dooghys foalley, dy droggagh eh seose Creest dy hoie er y stoyl-reeoil echeysyn:

1 Corinthianee 15:51

Cur-jee my-ner, ta mee soilshaghey diu folliaght; Cha jean mayd ooilley cadley, agh bee mayd ooilley er nyn gaghlaa,

Deuteronomy 31:16

As dooyrt y Chiarn rish Moses, Cur-my-ner, nee uss cadley marish dty ayraghyn, as nee’n pobble shoh girree magh, as geiyrt er maarderys [spyrrydoil] rish jeeghyn joarree y cheer, raad t’ad goll dy vaghey, as nee ad m’y hreigeil, as brishey my chonaant, ta mee er n’yannoo roo.

1 Thessalonianee 4:14

Son my ta shin credjal dy dooar Yeesey baase, as dy dirree eh reesht, dy jarroo myr shen adsyn myrgeddin ta cadley ayns Yeesey, ver Jee lesh mârish.