2 Samuel 7:11 - Yn Vible Casherick 1775 1819

¹¹ As er-dyn traa hug mish sarey da briwnyn ve harrish my phobble Israel, as ta mee er choyrt fea dhyt’s veih ooilley dty noidyn.) Myrgeddin ta’n Chiarn ginsh dhyt, dy jean eh dty hie y hickyraghey.

2 Samuel 7:11 ပူးပေါင်းရင်းမြစ်များ

2 Samuel 7:1

As haink eh gy-kione, tra hoie’n ree ec shee ayns e hie, as dy row’n Chiarn er choyrt fea da veih ooilley e noidyn er dy chooilley heu,

2 Samuel 7:19

As cha row shoh foast agh red fardalagh ayns dty hilley, O Hiarn Yee; son t’ou er loayrt myrgeddin jeh thie dty harvaant son earish foddey ry-heet. As vel shoh lurg cliaghtey deiney, O Hiarn Yee?

2 Samuel 7:27

Son t’ou uss, O Hiarn dy heshaghtyn niau, Yee Israel, er hoilshaghey da dty harvaant, gra, Neem’s dty hie y hroggal: shen-y-fa ta dty harvaant er ghoaill cree dy hebbal yn phadjer shoh hood.

1 Reeaghyn 11:38

As hig eh gy-kione, my nee oo geaishtagh rish ooilley ny ta mee dy harey dhyt, as my nee oo shooyl ayns my raaidyn, as jannoo shen ny ta cairagh ayns my hilley, dy reayll my lattyssyn as my annaghyn, myr ren David my harvaant; dy beem’s mayrt, as trog-ym dhyt thie shickyr, myr hrog mee da David, as ver-ym Israel dhyt.

1 Reeaghyn 2:24

Nish er-y-fa shen, myr ta’n Chiarn bio, t’er m’y niartaghey, as er hoiagh mee er stoyl-reeoil David my ayr, as t’er n’yannoo my hie, myr yiall eh, bee Adonijah er ny choyrt gy-baase jiu.

1 Recortyssyn 17:10

As er-dyn traa doardee mee briwnyn dy ve harrish my phobble Israel): neem’s myrgeddin ooilley dty noidyn y choyrt fo-chosh. Ta mee ginsh dhyt ny-sodjey, dy jean y Chiarn thie y hroggal dhyt.

1 Recortyssyn 22:10

Nee eshyn thie y hroggal gys m’ennym’s, as bee eh son mac dooys, as beem’s ayr dasyn, as neem’s stoyl-reeoil e reeriaght y hickyraghey harrish Israel son dy bragh.

Lioar Yob 34:29

Tra t’eshyn cur shee, quoi eisht oddys jannoo anvea? as tra t’eh follaghey e eddin, quoi eisht oddys cur-my-ner eh? edyr eh ve jeant noi slane ashoon, ny noi dooinney ny-lomarcan:

Psalmyn 106:42

Shimmey keayrt ren eh ad y livrey: agh dirree ad magh n’oï lesh nyn goyrleyn hene, as v’ad er nyn injillaghey son nyn olkys.

Psalmyn 127:1

Mannagh vel y Chiarn troggal y thie: ta’n obbyr oc ayns fardail ta dy hroggal eh.

Psalmyn 46:9

T’eh cur er caggaghyn dy scuirr ayns ooilley yn seihll: t’eh brishey yn bow, as giarey yn shleiy dy peeshyn, as lostey ny fainaghyn ’syn aile.

Exodus 1:21

As haink eh gy-kione, er-yn-oyr dy row ny mraane-reaylt ayns aggle Yee, dy ren eh yn lught-thie oc y vannaghey.

Raaghyn Creeney 14:1

Ta dy chooilley ven chreeney cummal seose e thie: agh ta’n unnane ommijagh dy phluckey neose eh lesh e laueyn.

Hebrewnee 11:33

Ren trooid credjue yn varriaght y gheddyn harrish reeriaghtyn, dobbree ad cairys, hooar gialdynyn jeant mie daue, yeigh beïll lionyn,

1 Samuel 2:35

As trog-yms seose dou hene saggyrt firrinagh nee cooilleeney shen ny ta ayns my chree, as my aigney: as neem’s thie shickyr y hroggal da, as nee eh shirveish fenish my er-ooilit dy kinjagh.

1 Samuel 25:28

Leih dou, ta mee guee ort, loght dty harvaant: son nee’n Chiarn son shickyrys thie my hiarn y niartaghey: er-yn-oyr dy vel my hiarn caggey ayns lieh’n Chiarn, as cha vel olkys er ve cronnit aynyd ooilley dty laghyn.