2 Samuel 7:10 - Yn Vible Casherick 1775 1819

¹⁰ (As neem’s boayl y phointeil da my phobble Israel, as ver-yms undin daue, dy vod cummal ve oc ayns ynnyd lhieu hene, as gyn scughey arragh; chamoo nee’n chloan dy olkys seaghney ad veg sodjey, myr ayns ny traaghyn t’er n’gholl shaghey,

2 Samuel 7:10 ပူးပေါင်းရင်းမြစ်များ

2 Reeaghyn 21:8

Chamoo neem’s cassyn Israel y scughey arragh ass y cheer hig mee da ny ayraghyn oc; my nee ad agh goaill kiarail dy yannoo cordail rish ny ta mee er n’oardaghey daue, as cordail rish ooilley yn leigh, ren my harvaant Moses y harey.

1 Recortyssyn 17:9

Neem’s ynnyd myrgeddin y phointeil da my phobble Israel, as ad y hoiaghey dy shickyr, as nee ad cummal ayns yn ynnyd oc hene, as cha bee ad er nyn scughey arragh; chamoo nee cloan ny mee-chrauee tranlaase orroo, ny smoo: (myr ec y toshiaght,

2 Recortyssyn 33:8

Chamoo nee’m arragh cass Israel y scughey ass y cheer ta mee er phointeil da nyn ayraghyn; my she shen dy gow ad tastey dy yannoo ooilley ny ta mish er harey daue, cordail rish y slane leigh, as ny slattyssyn, as ny oardaghyn liorish laue Voses.

Psalmyn 44:2

Kys t’ou er eiyrt magh ny ashoonyn-quaagh lesh dty laue, as er hoiaghey adsyn stiagh ’syn ynnyd oc: kys t’ou er stroie ny ashoonyn, as er n’eebyrt ad ersooyl.

Psalmyn 44:4

Agh dty laue yesh, as dty roih, as soilshey dt’eddin: son dy row aigney-mie ayd daue.

Psalmyn 80:8

T’ou er choyrt lhiat billey-feeyney magh ass Egypt: t’ou er n’eiyrt magh ny ashoonyn-quaagh, as er hoiaghey eh.

Psalmyn 80:9

Ren oo ynnyd da: as tra ve er ghoaill fraue, lhieen eh yn cheer.

Exodus 1:22

As hug Pharaoh currym er ooilley e phobble, gra, Dy chooilley lhiannoo-mac hig son y theihll nee shiu ceau ’syn awin, agh dy chooilley inneen nee shiu sauail bio.

Exodus 15:17

Ver oo lhiat stiagh ad, as nee oo ad y hoiaghey er slieau dty eiraght, ’syn ynnyd, O Hiarn, t’ou er chiarail son dty chummal hene; ’syn ynnyd casherick, O Hiarn, ta dty laueyn er hickyraghey.

Isaiah 5:2

As ren eh cleiy mysh, as haggil eh ny claghyn, as phlant eh ayn ny reih biljyn-feeyney, as hrog eh toor ’sy vean echey, as ren eh myrgeddin press-feeyney ayn: as ren eh jerkal dy n’ymmyrkagh eh berrishyn-feeyney, as dymmyrk eh berrishyn-feeyney feïe.

Isaiah 5:7

Son ta lught-thie Israel garey-feeyney Chiarn ny flaunyssee, as ta deiney Yudah yn billey eunyssagh echey: as yeeagh eh son briwnys, agh cur-my-ner tranlaase; son cairys, agh cur-my-ner eam.

Isaiah 60:18

Cha bee tranlaase ny smoo er ny chlashtyn trooid dty heer, traartys ny treihys ayns dty ardjyn: agh nee oo genmys dty voallaghyn Saualtys, as dty yiattyn Moylley.

Isaiah 60:21

Bee dty phobble myrgeddin ooilley ynrick: bee yn cheer oc son eiraght beayn, banglane my hoiaghey, my obbyr-lauee hene, dy voddym’s v’er my ghloyraghey.

Jeremiah 18:9

As cre-erbee’n traa loayr-yms mychione ashoon, as mychione reeriaght, dy hroggal, as dy hoiaghey seose eh:

Jeremiah 24:6

Son nee’m my hooillyn y hoiaghey orroo son mie, as ver-ym lhiam reesht ad gys y cheer shoh; as nee’m troggal seose ad, as cha jean-ym ad y lhieggal; as nee’m soiaghey ad, as cha jean-ym ad y astyrt ass ny fraueyn.

Ezekiel 28:24

As cha bee ny-sodjey ayn yn dress yialgagh da thie Israel, ny drine geuagh jeusyn ooilley ta mygeayrt-y-moo, ren soiaghey beg jeu; as bee fys oc dy nee mish y Chiarn Jee.

Hosea 2:18

As ’sy laa shen nee’m conaant ass nyn lieh rish maase y vagheragh, as rish eeanlee yn aer, as rish reddyn snauee y thallooin: as brish-ym yn bow, as y cliwe, as y caggey ass y cheer; agh ver-ym orroosyn dy lhie sheese dy sauchey.

Amos 9:15

As nee’m soiaghey ad er y thalloo oc hene, as cha bee ad arragh er ny astyrt ass y cheer, ta mee er choyrt daue, ta’n Chiarn dty Yee dy ghra.

Ashlish 21:4

As glennee Jee ersooyl dy chooilley yeïr veih ny sooillyn oc, as cha bee baase ayn maghey shen, chamoo trimshey, ny dobberan, chamoo vees veg y phian arragh: son ta ny reddyn va roïe er n’gholl shaghey.

Briwnyn 4:3

As ren cloan Israel gaccan gys y Chiarn; son va echey nuy cheead fainagh yiarn; as son feed bleïn ren eh dy mooar seaghney cloan Israel.

1 Samuel 13:17

As haink ny spooilleyderyn veih camp ny Philistinee, ayns three sheshaghtyn: hyndaa un sheshaght gys y raad ta leeideil gys Ophrah, gys cheer Shual: