2 Samuel 6:5 - Yn Vible Casherick 1775 1819

⁵ As chloie David as ooilley thie Israel fenish y Chiarn, er dy chooilley horch dy ghreïnyn-kiaullee jeant dy uys, er claasaghyn as psaltereeyn, as er timbrelyn, as er cornettyn, as er cymballyn.

2 Samuel 6:5 ပူးပေါင်းရင်းမြစ်များ

2 Reeaghyn 3:15

Agh nish, cur-jee lhieu hym kiaulleyder. As haink eh gy-kione, tra chloie yn kiaulleyder, dy daink laue y Chiarn er.

1 Recortyssyn 13:8

As chloie David as ooilley Israel kiongoyrt rish Jee lesh ard choraa, as lesh kiaulleeaght, as lesh claasaghyn, as lesh psaltereeyn, as lesh timbrelyn, as lesh cymballyn, as lesh trumpetyn.

1 Recortyssyn 15:28

Shoh myr hug ooilley Israel lhieu seose arg conaant y Chiarn lesh yllagh, as lesh feiyr y chornet, as lesh trumpetyn, as lesh cymballyn, jannoo kiaull lesh psaltereeyn as claasaghyn.

2 Recortyssyn 20:28

As haink ad gys Jerusalem lesh psaltereeyn, as claasaghyn, as trumpetyn, gys thie’n Chiarn.

Psalmyn 47:5

Ta Jee er gholl seose lesh kiaulleeaght ghennal: as y Chiarn lesh feiyr y chayrn.

Daniel 3:10

T’ou uss, O ree, er n’yannoo slattys, dy jean dy chooilley ghooinney chlinnys feiyr yn trumpet, feddan, claasagh, sackbut, psalteree, as dulcimer, as dy chooilley cheint dy chiaulleeaght, tuittym sheese, as ooashlaghey yn jalloo airh:

Daniel 3:15

Nish my ta shiu arryltagh, cre-erbee yn traa chlinnys shiu feiyr yn trumpet, feddan, claasagh, sackbut, psalteree, dulcimer, as dy chooilley cheint dy chiaulleeaght, dy huittym sheese as dy ooashlaghey yn jalloo shen ta mee er hoiaghey seose, s’mie shen: agh mannagh jean shiu ooashlaghey, bee shiu ceaut yn oor cheddin stiagh ayns mean coirrey aileagh-loshtee, as quoi yn Jee shen livrey-ys shiu veih my laueyn’s?

Daniel 3:5

Ec traa erbee dy glinnys shiu feiyr y trumpet, feddan, claasagh, sackbut, psalteree, dulcimer, as dy chooilley cheint dy chiaulleeaght, dy jean shiu tuittym sheese, as ooashlaghey yn jalloo airh ta Nebuchadnezzar yn ree er hoiaghey seose.

Daniel 3:7

Shen-y-fa ec y traa cheddin, tra cheayll ooilley yn pobble feiyr yn trumpet, feddan, claasagh, sackbut, psalteree, as dy chooilley cheint dy chiaulleeaght; huitt ooilley yn pobble, ny ashoonyn, as ny glaraghyn sheese, as hug ad ooashley da’n jalloo airh, va Nebuchadnezzar yn ree er hoiaghey seose.

Amos 5:23

Ersooyl voym lesh kiaull dty arraneyn, son cha n’eaisht-ym rish bingys dty violyn.

Amos 6:5

Ta goaill arrane gys feiyr yn viol, as cummey daue hene greïnyn-kiaullee myr ren David;

1 Samuel 10:5

Lurg shen, hig oo gys cronk Yee, raad ta garrison ec ny Philistinee: as hig eh gy-kione tra t’ou er roshtyn choud shen gys yn ard-valley, dy jig dty whail sheshaght d’adeyryn, cheet neose veih’n ard-ynnyd, lesh psalteree, as drum, as feddan, as claasagh, rhymboo, goaill arraneyn-moyllee.

1 Samuel 16:16

Lhig da nyn jiarn nish goardaghey dty harvaantyn, dy vriaght son dooinney schleioil dy chloie er y chlaasagh: as hig eh gy-kione, tra vees y spyrryd olk shoh ort veih Jee, dy jean eh cloie lesh e laue, as yiow couyr.