2 Samuel 6:22 - Yn Vible Casherick 1775 1819

²² As nee’m foast ny sloo na shoh y hoiaghey jee’m pene, as bee’m injil ayns my hooillyn hene: as liorish ny sharvaantyn, lhieu t’ou er my oltooaney, beem’s er my ooashlaghey.

2 Samuel 6:22 ပူးပေါင်းရင်းမြစ်များ

Genesis 32:10

Cha vel mish feeu jeh’n ayrn sloo jeh ooilley ny myghinyn, as jeh ooilley yn chenjallys ynrick t’ou er hoilshaghey da dty harvaant: son cha row aym agh my lorg tra hie mee harrish yn Jordan shoh, as nish ta mee er jeet dy ve daa heshaght vooar.

2 Samuel 6:21

As dooyrt David rish Michal, Ve fenish y Chiarn, ren mish y reih roish dt’ayr, as roish ooilley e hie, dy phointeil mish my er-reill harrish pobble y Chiarn, harrish Israel: shen-y-fa neem’s cloie kiongoyrt rish y Chiarn.

2 Samuel 6:23

Shen-y-fa, cha row lhiannoo ec Michal inneen Saul, choud’s v’ee bio.

Lioar Yob 40:4

Cur-my-ner, ta mee my chretoor treih; cre t’aym dy reggyrt? lhie-ym my laue er my veeal.

Lioar Yob 42:6

Shen-y-fa ta dwoaie aym orrym pene, as ta mee goaill arrys ayns joan as leoie.

Psalmyn 131:1

Hiarn, cha vel mee ard-aignagh: cha vel aym shilley mooaralagh.

Isaiah 50:6

Heb mee my ghreeym dauesyn ren m’y woalley, as my lieckanyn dauesyn va raipey jee’m yn aasaag; cha dollee mee my eddin veih nearey as shellaghyn.

Isaiah 51:7

Clasht-jee rhym, shiuish ta toiggal ynrickys, yn pobble ta my leigh ayns nyn gree; ny gow-jee aggle roish drogh ghoo veih deiney, chamoo jean-jee soiaghey jeh’n oltooan oc.

Noo Mark 14:66

As myr va Peddyr heese ayns halley yn ard-saggyrt, haink unnane jeh ny sharvaantyn,

1 Timothy 1:15

Ta shoh raa firrinagh, as feeu ard-soiagh ve jeant jeh, dy daink Yeesey Creest gys y theihll dy hauail peccee; jeu ta mish yn ard er.

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl-reeoil Yee.

1 Peddyr 4:14

My ta shiu oltooanit er coontey ennym Chreest, s’maynrey ta shiu; son ta’n spyrryd dy ghloyr, as dy Yee tannaghtyn erriu: er yn ayrn ocsyn t’eh oltooanit, agh er yn ayrn euish t’eh er ny ghloyraghey.

1 Peddyr 5:6

Jean-jee shiu hene er-y-fa shen y injillaghey fo laue niartal Yee, dy vod eh shiu y hroggal seose ayns traa cooie;

1 Samuel 2:30

Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.