2 Samuel 6:20 - Yn Vible Casherick 1775 1819

²⁰ Eisht hyndaa David dy vannaghey lught e hie: as haink Michal inneen Saul magh quail David, as dooyrt ee, Cre cha gloyroil va ree Israel jiu, yeeagh eh hene rooisht jiu ayns fakin inneenyn-veyl e harvaantyn, myr ta’n fer gyn-nearey roostey eh hene!

2 Samuel 6:20 ပူးပေါင်းရင်းမြစ်များ

Genesis 18:19

Son ta fys aym, dy der eh sarey da e chloan as e lught-thie ny yeï, as freillee ad raaidyn y Chiarn, dy yannoo cairys as briwnys; dy vod y Chiarn cooilleeney da Abraham shen ny t’eh er loayrt my-e-chione.

2 Samuel 6:14

As ren David daunsin fenish y Chiarn lesh ooilley e niart, as va David coamrit lesh ephod aanrit.

2 Samuel 6:16

As myr haink arg y Chiarn stiagh ayns ard-valley Ghavid, yeeagh Michal inneen Saul trooid uinniag, as honnick ee ree David lheimyragh as daunsin fenish y Chiarn, as hoie ee beg jeh ayns e cree.

2 Samuel 6:18

As cha leah’s va David erreish chebbal ourallyn-losht as ourallyn-shee, vannee eh yn pobble ayns ennym y Chiarn dy heshaght-flaunyss.

2 Samuel 6:19

As rheynn eh er ooilley’n pobble, eer er slane sheshaght Israel, chammah mraane as deiney, da dagh unnane bwilleen arran, as peesh vie d’eill, as cappan feeyney: myr shen hie ooilley’n pobble rhymboo, dagh fer gys e hie hene.

1 Recortyssyn 16:43

As hie ooilley’n pobble roue dagh dooinney gys e hie hene: as hyndaa David dy heeaney e hie hene.

Lioar Yob 30:8

V’ad cloan volvaneagh, cloan chercheenee, v’ad ny s’melley na joan ny hooirey.

Psalmyn 101:2

O lhig da tushtey y ve aym: ayns y raad dy chraueeaght.

Psalmyn 30:1

Ver-yms ard-voylley dhyt’s, O Hiarn, son t’ou er my hoiaghey seose: as cha vel oo er lhiggey da my noidyn dy ve mooaralagh harrym.

Ecclesiastes 7:17

Ny cur rouyr raad gys mee-chraueeaght, chamoo bee dty ommydan: er-aggle dy jean oo giare jeh dty laghyn hene.

Noo Mark 14:66

As myr va Peddyr heese ayns halley yn ard-saggyrt, haink unnane jeh ny sharvaantyn,

Noo Mark 3:21

As tra cheayll e gheiney-mooinjerey jeh, hie ad magh dy ghoaill eh: son dooyrt ad, T’eh ass e cheeayl.

Noo Ean 13:6

Eisht haink eh gys Simon Peddyr: as dooyrt eshyn rish, Hiarn, vel uss son niee my chassyn’s?

Joshua 24:15

Agh my te noi nyn aigney dy hirveish yn Chiarn, reih-jee yn laa jiu quoi nee shiu y hirveish; edyr ny jeeghyn ren ny ayraghyn eu shirveish cheu elley jeh’n awin, ny jeeghyn ny Amoriteyn ’sy cheer oc ta shiu cummal: agh er my hon hene as my lught-thie, shirveish mayd y Chiarn.

Briwnyn 9:4

As hug ad da three-feed as jeih peeshyn argid ass tashtaghyn thie Baal-berith; lhieu shoh ren Abimelech failley sheshaght dy gheiney awane as eddrym, ren geiyrt er.

1 Samuel 14:49

Nish va mec Saul, Jonathan, as Ishui, as Melchi-shua: as shoh va enmyn y daa inneen echey; ennym yn unnane shinney Merab, as ennym yn unnane saa Michal:

1 Samuel 18:20

As va Michal inneen Saul ayns graih rish David: as dinsh ad shoh da Saul, as by-haittin lesh eh.