2 Samuel 6:17 - Yn Vible Casherick 1775 1819

¹⁷ As hug ad lhieu arg y Chiarn stiagh, as hoie ad eh ayns e ynnyd, ayns mean y chabbane-agglish va David er hroggal er y hon: as heb David ourallyn-losht as ourallyn-shee fenish y Chiarn.

2 Samuel 6:17 ပူးပေါင်းရင်းမြစ်များ

1 Reeaghyn 8:5

As ree Solomon, as ooilley sheshaght Israel, va er nyn jaglym cooidjagh huggey, v’ad mârish kiongoyrt rish yn arg, chebbal kirree as dew ayns oural, nagh voddagh ve inshit ny coontit son earroo.

1 Recortyssyn 15:1

As hrog David thieyn da hene ayns ard-valley Ghavid, as chiartee eh ynnyd son arg Yee, as ren eh cabbane y hoiaghey seose er e hon.

1 Recortyssyn 15:3

As haggil David ooilley Israel cooidjagh gys Jerusalem, dy chur lhieu arg y Chiarn seose gys e ynnyd, v’eh er chiarail er e hon.

1 Recortyssyn 16:1

Myr shen hug ad lhieu arg Yee, as hoie ad eh ayns mean y chabbane va David er hroggal er e hon: as heb ad ourallyn-losht, as ourallyn-shee kiongoyrt rish Jee.

1 Recortyssyn 6:31

As shoh adsyn ren David y hoiaghey harrish shirveish y chiaulleeaght chasherick, ayns thie’n Chiarn, lurg da’n arg ve soit ayn.

2 Recortyssyn 1:4

Agh arg Yee va David er chur lesh eh seose veih Kirjath-jearim, gys y voayl va David er n’yannoo aarloo er e hon: son v’eh er hoiaghey seose cabbane er e hon ec Jerusalem.

2 Recortyssyn 5:6

Myrgeddin, ren ree Solomon as ooilley sheshaght Israel v’er nyn jaglym cooidjagh huggey kiongoyrt rish yn arg, dew as kirree y hebbal son oural, nagh voddagh ve coontit, v’ad whilleen ayns earroo.

Psalmyn 132:8

Trog ort, O Hiarn, gys ynnyd dt’ea: uss, as arg dty niart.

Leviticus 3:9

As nee eh chebbal jeh toyrtys casherick yn oural-shee, oural jeant lesh aile gys y Chiarn; yn eeh echey, as yn slane curpin, shen nee eh ’ghoaill jeh rish y chraue drommey: as yn eeh ta coodaghey yn mynnagh, as ooilley’n muinney.