2 Samuel 6:16 - Yn Vible Casherick 1775 1819

¹⁶ As myr haink arg y Chiarn stiagh ayns ard-valley Ghavid, yeeagh Michal inneen Saul trooid uinniag, as honnick ee ree David lheimyragh as daunsin fenish y Chiarn, as hoie ee beg jeh ayns e cree.

2 Samuel 6:16 ပူးပေါင်းရင်းမြစ်များ

2 Samuel 3:14

As hug David chaghteryn gys Ish-bosheth mac Saul, gra, Livrey hym Michal my ven, ren mee y chosney son keead crackan-chymmylt jeh ny Philistinee.

2 Samuel 5:7

Ny-yeih ghow David cashtal lajer Zion: ta’n boayl cheddin ard-valley Ghavid.

2 Samuel 6:15

Myr shoh hug David as ooilley thie Israel lhieu seose arg y Chiarn, lesh kiaulleeaght as lesh feiyr y trumpet.

2 Samuel 6:20

Eisht hyndaa David dy vannaghey lught e hie: as haink Michal inneen Saul magh quail David, as dooyrt ee, Cre cha gloyroil va ree Israel jiu, yeeagh eh hene rooisht jiu ayns fakin inneenyn-veyl e harvaantyn, myr ta’n fer gyn-nearey roostey eh hene!

1 Recortyssyn 15:29

As haink eh gy-kione, tra va arg conaant y Chiarn er roshtyn gys ard-valley Ghavid, dy ren Michal, inneen Saul, myr v’ee jeeaghyn magh er yn uinniag, fakin ree David daunsin as lheimyragh: as ren ee soiaghey beg jeh ayns e cree.

Psalmyn 123:3

Jean myghin orrin, O Hiarn, jean myghin orrin: son cha vel veg edyr dy hoiaghey j’in.

Psalmyn 69:7

As cre’n-oyr? er y choontey ayd’s ta mee er hurranse oghsan: ta nearey er choodaghey m’eddin.

Isaiah 53:3

T’eh beg soit jeh as obbit liorish deiney; dooinney dy hrimshey, as taaghit gys seaghyn: as dollee shin myr dy beagh eh nyn eddinyn veih; v’eh dwoaiagh dooin, as cha ren shin veg y scansh jeh.

Jannoo 2:13

Agh va feallagh elley gannidys, as gra, Ta ny deiney shoh lane dy feeyn noa.

1 Corinthianee 2:14

Agh cha vel y dooinney dooghyssagh goaill rish ny reddyn ta jeh Spyrryd Yee: son t’ad ommijys dasyn; chamoo oddys tushtey ve echey jeu, er-yn-oyr dy vel ad er nyn doiggal ayns aght spyrrydoil.

1 Samuel 18:17

As dooyrt Saul rish David, Cur-my-ner, my inneen shinney Merab, ish ver-ym dhyt son ben; ynrycan bee uss dunnal er my hon, as jean caggey ayns lieh’n Chiarn: son dooyrt Saul, Ny lhig da my laue’s ve er, agh lhig da tuittym liorish laueyn ny Philistinee.

1 Samuel 18:20

As va Michal inneen Saul ayns graih rish David: as dinsh ad shoh da Saul, as by-haittin lesh eh.